26 Di Settembre

Feste

I Santi

I Santi Cosimu è Damianu.

Secondu u Vangellu di San Matteu, Ghjesù disse à l'Apostuli: "Risanate l'infermi, nettate i leparosi, risuscitate i morti, cacciate i demonii: u donu l'avite ricevutu, in donu datelu".

Cusì fecenu Cosimu è Damianu, dui fratelli medichi venuti d'Arabia in Siria per curà i malati senza fassi pagà. L'avianu cugnumati "l'Anargiri", ciò chì vole dì: nimichi di u soldu.

Un' si cuntentavanu micca di risanà u corpu; curavanu dinù e malatie di l'anima, cunvertiscendu i peccadori, scacciendu l'idee fisse, dendu a speranza à i pessimisti, a gioia à i malinconichi.

Una matrona rumana, ch'elli avianu guaritu, si era messa in l'idea chì, postu ch'elli ùn vulianu paga, hè chì ùn eranu sicuri chì u male ùn rivenga. Per cunvincela, Cosimu accettò a paga. Ancu appena, fù una nimicizia trà i dui fratelli.

U guvernatore, scuntentu di vedeli attirà e folle mentre chì i tempii si viutavanu, i fece marturià è scapà.

Cosimu.

Etimolugia: da u gr. "kosmos" (universu, armunia di l'universu).

Casate: Cosimi.

Nomi: Come, Côme, Cosima, Cosimette, Cosimu, Cosma, Cosme, Cosmo.

Damianu.

Etimolugia: da u gr. "Damia", nome di una divinità.

Casate: Damiani.

Nomi:Dami, Damia, Damian, Damiana, Damiane,Damiao, Damianu, Damianus, Damien, Damienne, Damiette, Damioen, Damy.

Cosimu è Damianu.

Paesi è cità: Praga, Essen, Salamanca. In Corsica: Ambiegna, Chiliani, Feringule, Frassu, San Damianu. Issi santi anu avutu 14 chjese. Citemu: Felce d'Alisgiani, u Monte, Nuvella, Sartè, Sorbu Ocagananu, forse dinù u Viscuvatu è u Pratu.

Prutezzione: Cosimu è Damianu sò i santi patroni di i medichi, i chirusichi, è e mammane. Cosimu u preganu pè a malatia di u lattime (in francese: la gourme, o l'impédigo).

Litteratura: uni SAnti Cosimu è Damianu hè stata publicata in u 1966 da u duttore Marcu Aureliu Ceccaldi.[1]

• [https://web.archive.org/web/20060422085036/http://adecec.net/almanaccu2006.pdf Archiviu 2006-04-22 at the Wayback Machine L'almanaccu 2006 di l'Adecec]