Albaru

L'albaru
Populus alba
Classificazioni scentifica
Regnu	Plantae
Divisioni	Magnoliophyta
Classa	Magnoliopsida
Ordini	Salicales
Famiglia	Salicaceae
Genaru	Populus
Nomu binuminali
Populus alba Linnaeus, 1753

U nomu corsu albaru veni da a parola latina albus, chì significheghja: biancu. Di fatti, u fustu di l'àlbaru hè biancu. L'albaru hè dunqua un piobu biancu. Hè urighjinariu di u Mediterraniu è di l'Africa di u Nordu. Si scontra in generali vicinu à i fiumi o i vadini. Ci hè una varietà cultivata chì hè avà cumuna in America. Una stesa d'albari hè una albariccia.

 

U fustu di l'albaru hè altu finu à 30 metri (40), incù un'ampia chjoma attundulita. Trà i numarosi spezii è variità di piobbi quista hè a più sana è lungiva, ancu s'eddu righjunghji raramenti una cintunara d'anni d'ità; eppuri esistini provi ducumintati di parechji individui in fonti storichi chì ani vissutu eccizziunalamenti più di 180 anni. A so curteccia grisgiu chjaru, simili à quidda di u piobbu, ferma par longu tempu liscia è puntighjata da picculi linticeddi subarosi à forma di rombu; invichjendu diventa più scura è sulcata lungitudinalamenti da a basa di l'arburi è prugrissivamenti diventa ruvida è mori scura.

Fogli

I fogli, sustinuti da un picciolu longu finu à 5 centimetri, ani una forma uvali o attundulita, ma calchì volta irregularamenti lubata (4-8 centimetri). A pagina fugliari supiriori hè luccicanti, di culori verdi scuru, mentri quidda infiriori, com'è i buttaturi ghjovani, hè ricuparta da una fitta lanughjina bianchiccia, da a quali pruveni u nomu cumunu di a pianta. I casci sò longhi 4 à 15 cm.

Fiori

L'albaru fiurisci da marzu à aprili. Com'è tutti l'altri Salicaceae, l'albaru hè una pianta dioica incù i fiori unisessuali riuniti in amenti, chì spuntani prima di i fogli. Stu tipu d'infiuriscenza à amentu hè cumunu in i spezii arburei à impullinazioni anemofila. L'amenti maschili sò cilindrichi, quiddi feminicci inveci sò corti incù fiori asciddanti annantu à una brattea pilosa. Ancu a dispersioni di i semi, cuntinuti in capsuli, hè affidata à u ventu grazia à a prisenza annantu à quiddi di filamenti pilosi chì u so insemu hè dittu pappu. U pappu essendu custituitu di finissima cellulosa pruvucheghja suventi fastidiu à l'ochji è u nasu incù spessu riazzioni allergichi.

L'albaru hè urighjinariu d'Auropa, d'Asia uccidentali è d'Africa subrana. Hè largamenti spartu in 'ssi righjoni, è omu u trova ancu in certi parti di l'America subrana. Stu arburi prifirisci i terri umiti è i loca vicini, ma pò ancu adattà si à cundizioni più asciutti. Hè à spessu cultivatu com'è arburi d'urnamentu in i parchi è i giardini.

In Corsica

L'albaru hè prisenti in Corsica, ma hè raru. Hè assuciatu à spessu incù u saliciu. L'albaru si scontra par asempiu vicinu à u stagnu di Biguglia, à u stagnu di Tanchiccia, in l'Agriati, in a furesta di U Spidali, o in Campu di l'Oru in Aiacciu.

Populus alba hè un arburi à crescita rapita, capaci à crescia di manera vigurosa in cundizioni favurevuli. Si ripraduci par u più in via vegetativa, grazia à a prupagazioni di i so radichi chì emettini novi buttaturi. Eppuri, si pò ancu ripraducia par via di graneddi, chì sò spargugliati da u ventu. I ghjovani piantini d'albaruu ani una crescita rapita è poni aghjunghja una taglia cunsidarevuli in uni pochi di anni sultantu.

Populus alba hè u nomu scentificu accittatu pà 'ssa spezia, ma hè ancu cunnisciutu sottu à altri noma scentifichi tali Populus canescens è Populus argentea. 'Ssi noma sò cunsidarati com'è sinonimi di Populus alba. U genaru Populus ragruppa parechji spezii d'arburi cunnisciuti sottu à u nomu cumunu di piobbi.

L'albaru ùn hè micca cunsidaratu com'è una spezia in priculu. Hè largamenti cultivatu è usatu in l'accunciamentu paisaghjisticu par via di a so biddezza è di a so crescita rapita. Eppuri, certi pupulazioni salvatichi poni essa minacciati par via di a distruzzioni di u so ambienti naturali. Misuri di cunsirvazioni sò dunqua nicissarii par prisirvà 'ssa spezia è mantena a so diversità genetica.

•  
  U fustu di l'albaru
•  
•  
  A cascia di l'albaru

•  
•  
  Un' albariccia (Corsica)
•  
  Populus alba

• u piobu: populus nigra
• a tremula: populus tremula
• l'arburi di Corsica

'Ss'articulu pruveni in parti o in tutalità da l'articulu currispundenti di a wikipedia in talianu.