Эрк Соьлжа

Соьлжа
гӀалгӀ. Шолжа
Амал
Дохалла	278 км
Бассейн	12 200 км²
Хи дайар	82,9 м³/с (БоргӀане)
ДӀаэхар
Хьост[?]   (Т)	Ушкорт.
• Эрк долу меттиг	Доккха Кавказан дукъ Къилбаседа ХӀирийчоьнан Пригородни кӀошт
• Локхалла	1200 м
• Координаташ	HGЯO
Хикхоче    (Т)	Терк
• Эрк чекхдолу меттиг	э. БоргӀане (Гуьмсан кӀошт)
• Локхалла	28 м
• Координаташ	HGЯO
Хин охьане	1,2 м/км
Эрк долу меттиг
Хин система	Терк → Каспий-хӀорд
Пачхьалкх	Росси
Регионаш	Къилбаседа ХӀирийчоь, ГӀалгӀайчоь, Нохчийн Республика
Код  ПХР чохь	07020001112108200005420
хьост хикхоче
Медиафайлаш Викилармехь

Дохалла — 278 км, бассейнан майда — 12 000 км². Хьост — Доккха Кавказан дукъан къилбаседа басе 1200 м лакхахь. Хин даржаран йукъара барам 3800 г/м³: шарахь хино охьахьо 12,2 млн тонн латта а, гӀум а. Леладо аренашна хи дуьллуш.

Соьлжа долало ломан Ушкорт массиверчу шешкара, цигара Учхутан ломан рагӀ йоькъуш, шина Сугулта а, Соьлже а ломан чӀоже кхочу. Кхин дӀа ГӀалгӀайчухула къилбаседехьа доьду 37 км гена. Эккажакъоьнгий-Йурт уллехь Соьлжа арадолу масех генца, 12 км охьадоьду Эльдархан-ГӀала кхаччалц. Кхузахь хи малхбалехьа доьрзий Заки-Эвла кхаччалц охьадоьду, ткъа цигара 85 км охьадахчи Терках кхета.

Соьлжан чохь хи даиман а шорта хуьлу. ЧӀогӀа а, дукха а догӀнаш даьхкичи хи дестий 4 м кхаччалц хьаладала таро ю. Хи деста апрель-май беттанашкахь, Ӏаьнан лайнаш дешачу хенахь а, алсама догӀнаш догӀучу хенахь а. XIX-XX бӀешерашкахь хи гӀорадора, дерриг аьлча санна, цхьаццанхьара хи чехка долу меттигаш йоцурш. Масалаш ду, оьрсийн эскарш шан тӀехула артиллерица а, безачу мохьца а Соьлжех довлуш, амма тӀаьхьарчу хенахь хи гӀорош дац, Кавказехь климат кӀадъялар бахьнехь.

XIX бӀешарахь нохчаша Соьлжин бердаш йисттера хьун хьокхий, бӀаьста хи дистича охьайохьуьйтура ГӀизлара йохка. Соьлжан хи леладо аренашна хи дуьллуш, чӀара лоцуш.

Аьрру геннаш: Хьач-хи. Аьтту геннаш: Ӏасс, Валарг-хи, Гиха, Марта, ГӀой, Орга, Бас, Гумс.

Соьлжан тӀехь ю:

• гӀаланаш – МагӀас, Несара, Эльдархан-ГӀала, Соьлжа-ГӀала, Гуьмсе.
• ярташ – Нижни Комгарон, Сунжа, Эккажакъоьнгий-Йурт, БурскӀелхе, Пхьилинкъоьнгийн-Йурт, Обарг-Йурт, Сипсо-ГӀала, Эна-Хишка, Шовдана-Йурт, СемаӀашка, Закан-Йурт, Хаьмбин-Ирзе, ГӀуларе, Ӏалхан-ГӀала, Ӏалхан-Йурт, Чурт-тогӀи, Баса-ГӀала, БоргӀане.

 

 

• 1965 шарахь арахийцира исбаьхьаллин марка латийна конверт «Соьлжа-ГӀала. Соьлжа эркан бердйист».
• 1972 шарахь арахийцира исбаьхьаллин марка латийна конверт изза цӀе йолуш.