Антуан Де Сент-Экзюпери
Антуан де Сент-Экзюпери (Франци: Antoine Marie Jean-Baptiste Roger de Saint-Exupéry, 1900 оной 6 һарын 29, Лион — 1944 оной 7 һарын 31) — Франциин уран зохёолшо.
| Антуан де Сент-Экзюпери | |
| Antoine de Saint-Exupéry | |
 | |
| Ажал үйлэ: | |
|---|---|
| Түрэһэн үдэр: | |
| Түрэһэн газар: | |
| Эрхэтэнэй харьяалал: | |
| Наһа бараһан үдэр: | |
| Наһа бараһан газар: | |
| Гарай үзэг: |
|
.svg){kind=small}
Изагууртан гэр бүлэдэ түрөө. 1919‒1921 оной хоорондо Уран һайханай һургуулида һуража, 1921‒1923 оной хоорондо сэрэгэй алба гаража, үйлэдбэридэ хүдэлмэри хэбэ. 1926 ондо энгын эрхэтэнэй ниидэгшэ боложо, тэрэ ондошье «Ниидэгшэ» гэһэн туужаяа хэблэбэ. 1927‒1929 оной хоорондо Хойто Африкада аэродромой хүтэлбэрилэгшэ байгаа. «Урда шууданай» (Франци: Courrier Sud, 1929) гэһэн романда пилодуудые эрхэтэдтэ зүршэлдүүлэн жэшэнэ. 1929‒1931 ондо Урда Америкэдэ, Африкада ниидэгшээр ажаллажа хүдэлээд, һүүлдэнь шалгагша-ниидэгшэ байгаа (1933‒34). 1931 ондо «Һүниин ниидэлгэ» (Франци: Vol de nuit) гэһэн романаа хэблэбэ. 1939 оной «Хүмүүдэй замбуулин» (Франци: Terre des hommes) номынь Франциин академиин санда хүртэбэ. Сент-Экзюпериин зохёолнууд хадаа ‒ һурбалжалгын ба ирагуу найрагай, гүн ухаанай шудхамал юм. 1939‒1945 оной Дэлхэйн хоёрдугаар дайнай үедэ Сент-Экзюпери сэрэгэй ниидэгшэ байгаад, фронтдо дайлалдажа ябаһан байна. Германиин фашистуудай Франциие эзэлһэнэй һүүлдэ (1940) АНУ-да ябажа, Эсэргүүсэлэй хүдэлөөнэй уран зохёолдо шухала һуури эзэлдэг «Дайнай ниидэгшэ» (Франци: Pilote de guerre, 1942) ба «Барисаандахи бэшэг» (Франци: Lettre à un otage, 1943) номуудые хэблэбэ. 1943 онһоо Хойто Африкада сэрэгэй ниидэгшэ байгаа; 1944 оной 7 һарын 31-дэ тагнаха ниидэлгэһээ бусажа ерээгүй. Сент-Экзюпериин «Бишыхан хан тайжа» (Франци: Le Petit Prince, 1943) гэһэн онтохониинь тэрээндэ алдар соло дуудаба.
«Бишыхан хан тайжа» гэһэн номынь 1979 ондо В.Б. Намсараевэй буряад хэлэн дээрэ оршуулһан байна.
Зүүлтэ
This article uses material from the Wikipedia Буряад article Антуан де Сент-Экзюпери, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Хэрбэеэ ондоо юумэнэй заагдаагүй һаа, CC BY-SA 4.0 зүбшөөрэлөөр удхыень хаража болохоор. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Буряад (DUHOCTRUNGQUOC.VN) is an independent company and has no affiliation with Wiki Foundation.