Vancouver
Diwar-benn kêr Vancouver eo ar pennad-mañ.
Gant ar ger Vancouver e tegouezher amañ. Evit sterioù all ar ger, gwelit Vancouver (disheñvelout).
Evit an enezenn, sellit ouzh Enez Vancouver
Vancouver zo ur gêr vras e kornôg Kanada, war aod ar Meurvor Habask.
Kêr vrasañ proviñs Kolombia Breizh-Veur eo, war aod kornôk Kanada, nepell diouzh an harzoù gant SUA. War an douar-bras emañ ha n'emañ ket war Enez Vancouver e-tal dezhi. Savet e voe ur gêr vihan anvet "Gastown" eno e 1862, gant trevadennerien. Adanvet e voe "Vancouver" e 1886 diwar anv ar moraer George Vancouver (1757-1798).
Bremañ ez eus ouzhpenn 630 000 a dud o chom e kêr ha war-dro 2 vilion hanter en tolpad-kêrioù (Vancouver Vras). Emañ an hanter eus annezidi Kolombia Breizh-Veur o vevañ eno, abalamour m'en em astenn ar Menezioù Roc'hellek, didud a-walc'h, war an darn vrasañ eus ar broviñs. Ar gêr kanadian gant ar brasañ stankter poblañs eo. Anavezet eo Vancouver evit kalite ar vuhez. An hanter eus an annezidi n'o deus ket ar saozneg pe ar galleg evel yezh-vamm.
Brasañ porzh ar vro e porzh "Metro Vancouver", hag ar 4e en Amerika a-bezh. Foresterezh ha touristelezh eo an daou obererezh ekonomikel pennañ. Eno e oa bet dalc'het ar C'hoarioù Olimpek ha paralimpek goañv e 2010.
Gevelliñ
Gevellet eo Vancouver gant :
- Odessa (
Ukraina) e 1944 - Yokohama (
Japan) e 1965 - Dinedin (
Bro-Skos) e 1978 - Guangzhou (
Sina) e 1985 - Los Angeles (
Stadoù-Unanet) e 1986
Liammoù diavaez
This article uses material from the Wikipedia Brezhoneg article Vancouver, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Danvez a c'haller implijout dindan CC BY-SA 4.0 nemet ha notet e vefe ar c'hontrol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Brezhoneg (DUHOCTRUNGQUOC.VN) is an independent company and has no affiliation with Wiki Foundation.