Tu-Etre

En tu-etre e talvez ar rener da c'hraer ha da c'houzañver an ober war un dro, da lâret eo e c'hell talvezout ez-semantikel da emoberezh (un ober graet dezhañ e-unan pe evitañ e-unan) pe da genemobererezh (un ober graet an eil d'egile/eben) seul wezh ma vez liester ar rener, da skouer:

• e sañskriteg

यज॑ते (yájate): "aberzhiñ a ra evitañ e-unan" (tu-etre rik)
शेते॑ (śéte) "en e c'hourvez emañ" (media tantum amdranzitivel),

E henc'hresianeg eo alies emoberek ster an tu-etre, a c'hell bezañ tranzitivel pe amdranzitivel. A-wezhoù e c'hell bezañ implijet an hevelep frammadur evit merkañ an arbennelezh.

Kenglotaat a c'hell stumm an tu-etre gant hini an tu-gouzañv, da skouer:

Tu-etre (tranzitivel):

• Ἀνὴρ τιμᾶται ("En em enoriñ a ra un den" = "Kanañ a ra meuleudi dezhañ e-unan")

Tu-etre (amdranzitivel: media tantum):

• κεῖμαι ("em gourves emaon")

Tu-gouzañv:

• Ἀνὴρ τιμᾶται ὑπ' ἀνδρός ("Enoret e vez un den gant un den (all)"

Verboù emober rik pe verboù deponant int deuet da vezañ e gresianeg a-vremañ.

Diorroet e oa bet verboù deponant al latin diwar tu-etre ar c'hent-indezeuropeg

• e latin :

inquinor "en em louzañ a ran": media tantum tu-etre (stumm-emober)
sequor "heuliañ a ran": media tantum tu-gra

Deuet d'o zro da vezañ verboù brizhemober (media tantum) implijet gant meur a yezh romanek a-vremañ, da skouer:

• e galleg:

Je me souviens ("Soñj am eus")

• e spagnoleg:

Me cayo ("Kouezhañ a ran")

Unan eus ar yezhoù indezeuropek a-vremañ ral pe raloc'h implijet gante un tu-etre rik eo an islandeg merket gant al lostger "-st", da skouer:

• matast "debriñ": amdranzitivel (media tantum)
• sjást "bezañ gwelet: kevatal d'an tu-gouzañv
• klæðast "en em wiskañ": stumm-emober

• Tu yezhadurel
• Tu-gouzañv
• Verb deponant
• Emobererezh
• Kenemobererezh