Ar Rubicone zo ur stêr vihan, 80 km dezhi, eus hanternoz Italia, en Emilia-Romagna, er c'hreisteiz da gêr Ravenna, hag a ya da aberiñ e Mor Adria.
Adal 59 kent JK e rae an harz etre Italia roman ha Gallia Cisalpina. Difennet e oa d'ur jeneral treuziñ ar stêr gant un arme da vont da Roma. Evel-se e tiwalle ar Republik roman diouzh dañjer he jeneraled o dije klasket kemer ar galloud er gêr-benn.
Brudet e voe ar Rubicone pa voe treuzet gant Caesar d'an 11 a viz Genver 49 kent J.K. evit mont da glask arme Pompeius, a-enep da lezenn ar Sened Roma. Hervez Suetonius e lavaras en ur dreuziñ : Alea jacta est, da lavarout eo «taolet eo an diñsoù », troet a-wechoù gant « taolet eo ar blanedenn ».
Diwar an abadenn-se eo deuet an droienn « treuziñ ar Rubicone », deuet betek ennomp.
A-raok 1933 e oa anvet Fiumicino, met neuze e voe disklêriet gant istorourien e oa honnezh ar stêr a oa bet treuzet gant Julius Caesar e 49 kent JK.
En Henamzer e yae ar Rubicone da aberiñ e Mor Adria entre Ariminum ha Caesena (hiriv Rimini ha Cesena). Ar stêr zo bet hevelebekaet outañ n'eus ket emglev warni.
Mesk a zo marteze etre Rubicone ha Pisciatello.
Anv ar Rubicone a gaver ivez en hini an div gumun:
This article uses material from the Wikipedia Brezhoneg article Rubicone, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Danvez a c'haller implijout dindan CC BY-SA 4.0 nemet ha notet e vefe ar c'hontrol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Brezhoneg (DUHOCTRUNGQUOC.VN) is an independent company and has no affiliation with Wiki Foundation.