Pleg-Mor Botnia
Pleg-mor Botnia (Bottniska viken e svedeg, Pohjanlahti e finneg), zo ur vrec’h-vor e hanternoz ar Mor Baltel, etre Sveden er c'hornôg ha Finland er reter, en norzh d’an inizi Åland.
En em astenn a ra a-hed 700 kilometr eus an norzh d’ar su, ha goleiñ a ra ur gorread a 120 000 km². Div lodenn a ya d’ober pleg-mor Botnia, rannet gant strizh-mor Kvarken.
Heverk eo pleg-mor Botnia dre ma n’eo ket gwall sall an dour ennañ. Er Mor Baltel a-bezh emañ evel-se, met a bep ma'z eer war-zu an hanternoz eo disalloc’h c’hoazh, abalamour d’ar stêrioù stank a daol o dourioù er mor. E lodenn norshañ ar pleg-mor e c’heller kavout pesked dour dous zoken.
This article uses material from the Wikipedia Brezhoneg article Pleg-mor Botnia, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Danvez a c'haller implijout dindan CC BY-SA 4.0 nemet ha notet e vefe ar c'hontrol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Brezhoneg (DUHOCTRUNGQUOC.VN) is an independent company and has no affiliation with Wiki Foundation.