Kernewek kemmyn (LFE: , kerneveureg kumun) eo anv doare implijetañ ar c'herneveureg a-vremañ adsavet.
Krouet eo oa bet dreist-holl gant Ken George e 1986 dre diorren diazezoù ar c'hernowek unyes met levezonet-don gant mammennoù kerneveureg ar Grennamzer hag ivez gant ar brezhoneg ha nebeutoc'h gant ar c'hembraeg.
Implijet e oa bet kerneveureg ar Grennamzer evel diazez en ur unvaniñ ar reizhskrivadur. Evit ar wezh kentañ e oa bet roet reolennoù sklaer e-keñver an doare ma ranke bezañ distaget ar yezh hervez an doare-skrivañ.
Degemeret mat e oa bet gant an darn vrasañ eus ar gerneveuregerion daoust ha ma kendalc'has lod anezhe d'ober gant ar c'hernowek unyes.
An doare kerneveureg implijetañ eo deuet da vezañ gant ma ra gantañ ar muiañ a gerneveuregerion/ezed (betek 80% e 2000) kentoc'h evit gant unan eus ar sistemoù all hag e 1987 e oa bet degemeret gant Kesva an Taves Kernewek dre vouezhiadeg evel doare-yezh ofisiel an aozadur-se.
Pismiget kriz e vez avat gant an dud a ra gant doareoù kerneveurek all, dreist-holl ar C'hernewek Unys a-gent hag ar C'hernowek Unys Amendys ("kerneveureg unvan reizhet"). Hervez Nicholas Williams, krouer ar C'hernowek Unys Amendys, ez eus bet graet fazioù e-leizh gant Ken George en ur ijinañ fonologiezh diazez ar C'hernewek Kemmyn: re arc'haek, re strizh ha "re vrezhonek" eo hervezañ.
Skrid skouer diwar pajenn degemer ar Wikipedia e kerneveureg:[1]
This article uses material from the Wikipedia Brezhoneg article Kernewek Kemmyn, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Danvez a c'haller implijout dindan CC BY-SA 4.0 nemet ha notet e vefe ar c'hontrol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Brezhoneg (DUHOCTRUNGQUOC.VN) is an independent company and has no affiliation with Wiki Foundation.