Ar c'hein eo al lodenn eus ar c'horf etre ar choug hag ar revr, a-us an divgroazell, enebet ouzh ar bruched hag ar c'hof.
E krec'h ar c'hein emañ an divskoaz. E-kreiz ar c'hein emañ gwalenn ar c'hein, a zo stummet gant ar melloù-kein, ha stag outo, a bep tu, ar c'hostezennoù a ya d'ober kest ar brusk, pe kest ar bruched.
A-dreuz ar c'hein e c'haller klevout ar skevent oc'h analat. Al lounezhi e-barzh ar c'horf, e-traoñ ar c'hein, a bura ar gwad.
Labourioù zo, pe doareoù d'en em zerc'hel, pa vez pleget ar c'horf, a zegas poan-gein d'an den.
Gant al loened-samm (kezeg, ezen, kañvaled) e vez douget semmen war o c'hein. Gant un den e vez douget semmen war e choug.
Krommenn kein ar maouezed a zo unan eus an danvezioù muiañ labouret gant al livourien ha kizellerien.
Komz a reer ivez eus kein ur gador, kein ul levr. Digein e vez ar bankoù peurvuiañ, hogen bankoù keinet zo ivez. Keinañ levrioù a vez graet evit o lakaat da badout.
This article uses material from the Wikipedia Brezhoneg article Kein, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Danvez a c'haller implijout dindan CC BY-SA 4.0 nemet ha notet e vefe ar c'hontrol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Brezhoneg (DUHOCTRUNGQUOC.VN) is an independent company and has no affiliation with Wiki Foundation.