Gwerc'hez Vari
Ar Werc'hez Vari pe an Itron Varia eo an anv a reer e brezhoneg, hervez doare ar gristenien, eus Mari (diwar an hebraeg Miriam), mamm Jezuz a Nazaret, an den a zo kontet e vuhez er Pevar Aviel.
Pa voe dougerez e oa kefrisa da Jozeb, hag e oa gwerc'hez, hervez ar gristenien.
Hervez ar relijion gristen e wilioudas hag e oa bepred gwerc'hez, evel a oa bet kemennet gant an arc'hael Gabriel d'an deiz anvet Gouel Maria Veurzh, pe Gouel ar C'heloù Mat. Krouet e oa bet ar bugel gant ar Spered Santel. E skridoù koshoc'h e voe meneget e oa Joachim hag Anna a oa tad ha mamm dezhi.
Katoligiezh
E kreizik-kreiz ar feiz katolik emañ an deoliezh d'ar Werc'hez Vari. Nouspet levr brezhonek a zo bet skrivet war an danvez-se en hor yezh.
Pennadoù kar
Levrlennadur
E brezhoneg
- 1995 Pleustrad a-zivout ar wir deoliezh d'ar werc'hez santel, gant sant Loeiz-Mari Grignion a Vonforzh, emb. Preder, tr. gant Gabriel Loeiz Mari Chérel, 122 p.
- 1902, Miz Mari ar C'halvar, gant an Aotrou Kerjean, person Lambaol-Wimilio, e ti Salaün Brest, 264 p.
- 1902, Miz Mari Debussi, lakaet a-nevez e brezhoneg gant an Aotrou Koz person Penmarc'h, Moulerez ar C'hazetennoù katolik, straed ar C'hastell Brest, 270 p.
- 1874 Miz Mari, Kurunenn navez d'ar Werc'hez, gant an Aotrou Breton, marv kure gwilers, e ti desmoulins e Landerne. 340 p.
- 1859 Miz Kaer Mari, gant an Aotrou Diot, person Izenac'h, e ti Galles, Gwened. 358 p.
This article uses material from the Wikipedia Brezhoneg article Gwerc'hez Vari, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Danvez a c'haller implijout dindan CC BY-SA 4.0 nemet ha notet e vefe ar c'hontrol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Brezhoneg (DUHOCTRUNGQUOC.VN) is an independent company and has no affiliation with Wiki Foundation.