Unan eus pobloù german ar reter e oa ar C’hoted.
En e levr Getica (tro 551), an istorour Jordanes a embanne e oa ar c'hoted a orin eus su Skandinaviamet n'eo ket prouet anat c'hoazh. Moarvat ez eo o anv a adkaver en anvioù-lec’h Göteborg, Götaland ha Gotland, e Sveden.
Iskevrennad eus | East Germanic tribes |
---|---|
Deiziad kregiñ | 1. century |
Deiziad echuiñ | 1475 |
Ur bobl anvet ar Gutones – marteze ar c'hoted kentañ – a ouier gant prouennoù arkeologel e oant o vevañ e traoñ ar stêr Vistula er 1añ kantved. En Eil kantved ar sevenadur Wielbark a emled war-zu ar su hag ar Mor Zu ar pezh a vefe bet un divroañ c'hotek. Ar C’hoted e voe ar re gentañ, e-touez ar C’hermaned, oc’h argadiñ an Impalaeriezh roman e 267. Met kannet e voent a-benn ar fin, rankout a rejont kilañ hag adtreuziñ ar stêr Danav e 271. Lod anezho, re ar c’hornôg (ar Wizigoted), a savas ur rouantelezh eno, e Dakia, tra m’en em ziazezas Goted ar reter (an Ostrogoted) pelloc’h, war aod norzh ar Mor Du.
Kaozeal a raent goteg, ur yezh c'hermanek zo marv pell zo, met zo anavezet mat a-walc'h dre ma voe lakaet dre skrid ha dre ma voe troet ar Bibl enni.
Adunanet e voe ar C'hoted e-pad ur pennadig er VIvet kantved, dindan roue an Ostrogoted Teodorig Veur, a voe lezroue ar Wizigoted ivez e-doug un ugent vloaz bennak.
This article uses material from the Wikipedia Brezhoneg article Goted, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Danvez a c'haller implijout dindan CC BY-SA 4.0 nemet ha notet e vefe ar c'hontrol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Brezhoneg (DUHOCTRUNGQUOC.VN) is an independent company and has no affiliation with Wiki Foundation.