Chapel Santez Anna Ar Palud

Intron Santez Anna,
Ni ho ped gant joa,
Mirit tud an Arvor
War zouar ha war vor.

Mamm Zantel a Vari,
Salud a greiz kalon !
Enor ha meuleudi
D'hor Mamm ha d'hon Intron !

D'an den yaouañk ro/it
Eun teñzor a furnez,
D'an den koz goulennit
Eur fin vat d'e vuhuez.

Biskoaz n'eus bet klevet
Klemm eus ho trugarez ;
Ar Palud benniget
Eo tron ho madelez.

Er mor braz kounaret,
Bagig ar pesketour
Spontus a vo lonket
Ma ne deuit d'he zikour.

Dous eo bet d'hon tud koz
Tañva ho karante,
Ha ken dous ho pennoz
A vo d'ho pugale.

En tarziou didruez,
Kerzit, tud an Arvor :
Anna, 'vel ar Werc'hez,
Eo steredenn ar mor.

Selaouit hor pedenn,
Mamm garet Breiz-Izel
Selaouit hor goulenne
Bemdez en ho chapel !

Bezit ive nerzus,
Soudarded Breizh-Izel ;
He dorn holl-c'halloudus
'Vo ganeoc'h er brezel.

Truez evit ar vamm
A welit ken aonig ;
Dalc'hit, dalc'hit dinamm
Kalon he bugelig.

Evidomp holl ar bed
Eo tachenn an emgann ;
A ! n'hon dilezit ket,
Pa 'maomp e-kreiz an tan.

Truez evit ar paour,
Dirazoc'h daoulinet !
Truez 'vit ar c'hlañvour :
O honsolit bepred.

Patronez dous a Vreizh
Diwallit mat ho pro
Kreskit ennomp ar feiz
Hiziv, warc'hoazh, atav !

Skuilhit er parkeier
Gliz pinvidig an Neñv ;
Skoazell d'al labourer,
Skoazell en an' Doue !

O Mamm Santez Anna
Dindan ho tivaskell
Pegen kaer eo bevañ,
Pegen dous eo mervel !