Beretta 951
Ar Beretta Modello 951 pe Beretta M1951 (hec'h anv ofisiel e arme Italia) zo ur bistolenn damaotomatek italian produet adalek 1951 gant an embregerezh Beretta.
| Beretta 951 | |
|---|---|
 Ur Beretta 951 (pe M1951) | |
| Kinnig | |
| Bro |  Italia |
| Mont en-dro | Pistolenn damaotomatek |
| Munisionoù | 9 x 19 mm Parabellum, 7,65 x 21 mm Parabellum |
| Produer | Fabbrica d'armi Pietro Beretta |
| Mare implij | 1953 – 1982 (Arme Italia) |
| Pouez ha muzulioù (stumm orin) | |
| Mas | 0,870 kg |
| Hirder | 203,2 mm |
| Hirder ar c'hanol | 114 mm |
| Perzhioù all | |
| Hed-tenn pleustrek | 50 m |
| Tizh mont e-maez ar boledoù | 350 m/s |
| Endalc'h | Karger fiñv 8 kartouchenn |
| Adstummoù | M1951-A, M951/57, M952 |
| Lezenn | |
| Rummad e Bro-C'hall | B |
Orin ha mont en-dro
Goude an Eil Brezel-bed e felle d'an arme italian kaout ur bistolenn damaotomatek nevez kambret e 9 x 19 mm Parabellum, a oa dija kartouchenn standart an armoù-dorn e kalz broioù Aozadur ar Feur-emglev Norzh-Atlantel. Karget e voe Beretta da sevel un arm-dorn nevez. Ganet e voe an M1950, met ne voe dalc'het : mont a rae en-dro gant ar memes sistem distro gazoù evit hini an M1934, ha re wan e oa ar sistem-se evit anduriñ galloud ar munisionoù 9 mm Parabellum.
Dibabet e voe neuze ober gant ur sistem argil berr ha n'eo ket gant an distro gazoù. Choazet e voe implijout ur gulasenn vlodet, gant ar memes sistem morailh-gulasenn hag hini ar Walther P38. Brasoc'h e oa an M1951 evit pistolennoù kent ar merk, M1915 hag M1934 en o zouez. Ne voe ket anvet Modello 1951 gant Beretta peogwir e tibabas ar merk reiñ tri sifr diwezhañ o bloavezh-krouiñ d'o armoù nevez adalek 1948.
Servijout a reas an 951 da ziazez evit ar Beretta 92, pistolenn vrudetañ ar merk, er bloavezhioù 1970.
Adstummoù
- M1951-A : stumm aotomatek savet diwar c'houlenn ar servijoù sekred italian, dezhañ un eil dornell evit aesaat kontroliñ an arm pa denner a-dennadegoù hag ur c'harger uheloc'h e endalc'had (10 kartouchenn e-lec'h 8).
- M951/57 : stumm hiroc'h e ganol (150 mm) ha dezhañ ur c'houch hag un driv reoliek, savet diwar c'houlenn ar c'horonal egipsian Berhama.
- M952 : stumm e 7,65 mm Parabellum diorroet evit ar siviled, a oa difennet dezhe ober gant an 9 mm Parabellum en Italia d'ar poent-se.
Implijerien
Daveennoù
This article uses material from the Wikipedia Brezhoneg article Beretta 951, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Danvez a c'haller implijout dindan CC BY-SA 4.0 nemet ha notet e vefe ar c'hontrol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Brezhoneg (DUHOCTRUNGQUOC.VN) is an independent company and has no affiliation with Wiki Foundation.