Alf Ramsey
Sir Alfred Ernest Ramsey, pe Alf Ramsey c'hoazh, bet ganet d'an 22 a viz Genver 1920 e Dagenham (Bro-Saoz) hag aet da Anaon d'an 28 a viz Ebrel 1999 en Ipswich (Bro-Saoz, Suffolk), a oa ur melldroader etrebroadel saoz.
Aet e oa bet da c'hourdoner Ipswich Town Football Club (1955-1963), Birmingham City Football Club (1977-1978) ha Panathinaikós Athlitikós Ómilos (1979-1980).
Etre 1963 ha 1974 e kemeras penn skipailh Bro-Saoz goude bezañ bet anvet da zibaber broadel d'ar 25 a viz Here 1962. Gante ez eas ar maout da-geñver Kib vell-droad ar bed 1966 a voe dalc'het e Bro-Saoz adalek an unnek betek an 30 a viz Gouere. An trofe-mañ a zo chomet an hini nemetañ bet tapet gant An Tri Leon en ur genstrivadeg etrebroadel dre skipailh.
Noplaet e voe Alf Ramsey gant ar rouanez Elesbed II e 1967 en anaoudegezh d'an trec'h istorel-mañ bet degaset d'ar vroad he doa ijinet ar vell-droad.
This article uses material from the Wikipedia Brezhoneg article Alf Ramsey, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Danvez a c'haller implijout dindan CC BY-SA 4.0 nemet ha notet e vefe ar c'hontrol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Brezhoneg (DUHOCTRUNGQUOC.VN) is an independent company and has no affiliation with Wiki Foundation.