ཡར་ཀླུང་གཙང་པོ་
བོད་ཡུལ་ནི་ཆུ་ཀླུང་མང་པོའི་འབྱུང་ཁུངས་ཡིན།
དེ་ནི་ཁ་འབབ་ཆུ་བོ་བཞིའི་ཡ་གྱལ་ཞིག་ཡིན། འཛམ་གླིང་གི་ཆུ་ཆེན་ཨང་བཞི་པ་རེད། སྟོད་མངའ་རིས་གངས་ མཚོའི་ཤར་ཕྱོགས་བྱེ་མ་གཡུང་དྲུང་གི་ཕུ་ཨབ་སྲིའི་རྒྱབ་ཀྱི་བྲག་རྟ་ མཆོག་འདྲ་བའི་ཁ་ནས་འབབ་ཅིང་། ཧོར་ཚོ་ལྔ་བརྒྱུད་འབྲོང་པ་ཚོ་ དགུའི་ལྷོ་ཕྱོགས་དང་། རུ་གསར་གལ་ཆོས། འབའ་བ། བཀྲ་བདུན། གཞུང་ རུ་དང་ས་ག་ཟང་ཟང་ལྷོ་བརྒྱུད་དེ་གཙང་བཀྲ་ཤིས་ལྷུན་པོའི་གཡས་ ཕྱོགས་ནས་བཞུར་ཏེ་ལྕགས་ཟམ་ཆུ་བོ་རིར་ལྷ་སའི་སྐྱིད་ཆུ་དང་འདྲེས་ ནས་ཡར་ཀླུང་གཙང་བོར་འབོད། དྭགས་པོ་དང་ཀོང་པོ་བརྒྱུད་དེ་རིམ་ བཞིན་གཡུ་འབྲུག་འཕྱོ་བ་བཞིན་སྨན་གླིང་ཕད་ཆུས་ཤུལ་ནས་ཁ་བྱང་ ཤར་ངོས་སུ་འཁོར་ནས་བཞུར་ཞིང་། རི་བོ་གནམ་ལྕགས་འབར་བར་ བསྐོར་བ་རྟ་རྨིག་འདྲ་བ་བརྒྱབ་རྗེས་སླར་ཡང་ལྷོ་ནུབ་ཁུལ་གྱི་གཅོང་ རོང་ཟབ་མོ་འགྲིམས་ནས་མཐར་ཀློ་ཡུལ་བརྒྱུད་རྒྱ་གར་དུ་བཞུར་ཏེ་ གཙང་བོ་པུ་ལ་མ་བོ་ཐེ་ལ་བྱ་སྟེ། དེ་ནས་བྷང་ག་ལ་མཚོ་དབུག་ཏུ་འདྲེས། དེའི་རིང་ཚད་སྤྱི་ལེ2057དང་། འབབ་ཡུལ་རྒྱ་ཁྱོན་སྤྱི་ལེ་གྲུ་བཞི་མ་240480ཡོད།
མིང་འབྱུང་ཚུལ།
བོད་ཁམས་ཀྱི་ཆུ་ཆེན་དང་པོར་བརྩི་བའི་ཡར་ཀླུང་གཙང་པོ་ནི། ཧི་མ་ལ་ཡའི་བྱང་རྒྱུད་འབྲོང་པ་རྫོང་ཁོངས་བྱེ་མ་གཡུང་དྲུང་ཞེས་པའི་གངས་རི་ལས་འབབ་ཅིང་། ཡིག་ཚང་ཁག་ཏུ་ཡར་ཆབ་གཙང་པོ་ཞེས་འབྱུང་ལ། ལེགས་རྩེའི་རྒྱུད་དུ་རྟ་མཆོག་ཁ་འབབ་གཙང་པོ་ཞེས་འབོད་པ་དང་། ལྷ་རྩེ་ཁུལ་དུ་མྱང་ཆུ། ལྷ་རྩེའི་ནུབ་རྒྱུད་དུ་སླར་ཡང་རྟ་མཆོག་ཁ་འབབ་ཏུ་འབོད། ཆུ་ཤུར་ཁུལ་ནས་བཟུང་ཡུལ་མིང་ལྟར་ཡར་ཀླུང་གཙང་པོར་འབོད།
ཆུ་ཆེན་འདི་ལྷོ་ནས་འབབ་ཅིང་གྱ་གྱུའི་ངང་ས་དགའ་རྫོང་སོགས་རང་སྐྱོང་རྫོང་ཁག་ཉི་ཤུ་རྩ་གསུམ་བརྒྱུད་མཐར་ཀློ་ཡུལ་ནས་འབར་མ་བརྒྱུད་བྷང་ག་ལའི་ཡུལ་དུ་འབབ་པས་ཡུལ་དེར་གཙང་པོ་པུ་ལ་མ་བོ་ཐེ་ལ་ཞེས་གྲགས། འདིའི་སྤྱིའི་རིང་ཚད་ལ་སྤྱི་ལེ་ཉིས་སྟོང་བརྒྱ་མེད་ལྔ་བཅུ་ང་བདུན་ཙམ་ཡོད་པ་དང་། བཞུར་ཡུལ་གྱི་རྒྱ་ཁྱོན་སྤྱི་ལེ་གྲུ་བཞི་མ་ཉིས་འབུམ་བཞི་ཁྲི་སྟོང་མེད་བཞི་བརྒྱ་བརྒྱད་ཅུ་ཙམ་ཟིན། གཙང་པོའི་འབབ་རྒྱུད་ཆ་སྙོམས་རྒྱ་མཚོའི་ངོས་ལས་རྨིད་བཞི་སྟོང་ལྔ་བརྒྱ་ཙམ་གྱིས་མཐོ་བས་འཛམ་གླིང་གི་ས་བབ་མཐོ་ཤོས་ཀྱི་གཙང་པོ་ཞིག་ཡིན། གཙང་པོ་འདིའི་རྒྱུད་དུ་ལྷ་ས་དང་། གཞིས་ཀ་རྩེ། རྒྱལ་རྩེ། ཉིང་ཁྲི་སོགས་བོད་ཀྱི་གྲོང་དང་གྲོང་ཁྱེར་མང་ལ། ཁྱད་པར་དུ་བོད་ཀྱི་འགྲོ་བ་མིའི་རིགས་ཀྱི་འབྱུང་ཁུངས་རྩེ་ཐང་དང་། བོད་ཀྱི་རྒྱལ་པོའི་ཕོ་བྲང་ཐོག་མ་ཡུམ་བུ་བླ་སྒང་། སྲོང་བཙན་གྱི་མཐའ་འདུལ་ཡང་འདུལ་གྱི་གཙུག་ལག་ཁང་ལས་ཁྲ་འབྲུག མཁན་སློབ་ཆོས་གསུམ་གྱི་འཛོམས་གནས་དཔལ་བསམ་ཡས་གཙུག་ལག་ཁང་སོགས་གནས་ཆེན་གྲགས་ཆེ་བའང་མང་།
མཚོན་རྟགས།
ཟིན་ཐོ་འམ་དཔྱད་གཞི།
དཔྱད་གཞིའི་དཀར་ཆག།
ད་དུང་གཟིགས།
ཕྱི་ཕྱོགས་དྲ་མཐུད།
This article uses material from the Wikipedia བོད་སྐད article ཡར་ཀླུང་གཙང་པོ་, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). དེ་མིན་གྱི་མཆན་འགྲེལ་ཡོད་ན་མ་གཏོགས། དྲ་བའི་ནང་དོན་ CC BY-SA 4.0 སྟེང་དུ་ཡོད། Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki བོད་སྐད (DUHOCTRUNGQUOC.VN) is an independent company and has no affiliation with Wiki Foundation.