གནས་མཆོག་ཙ་རི་ནི་བོད་ལྗོངས་ལྷོ་ཁ་ས་ཁུལ་ལྷུན་རྩེ་རྫོང་གི་ཁོངས་གཏོགས་སུ་ཡོད་ལ།སྔོན་གྱི་ཁུངས་བཙན་ལོ་རྒྱུས་ཡིག་ཚང་རྣམས་ལས་གནས་རི་དེ་ནི་རྒྱལ་བའི་ལུང་གིས་ཟིན་པའི་འཛམ་གླིང་གི་གནས་ཡུལ་གྲགས་ཅན་ཉེར་བཞིའི་ཡ་གྱལ་དུ་བགྲང་ཞིང་སྙན་པའི་གྲགས་པ་ཕྱོགས་བཞིར་ཁྱབ་པའི་གནས་ཡུལ་གྲགས་ཅན་ཞིག་རེད། འདི་ལ་ཙ་རིའི་རྩེ་སྐོར་དང་བར་སྐོར།རོང་སྐོར་གསུམ་དུ་དབྱེ་བ་དང་སྤྱི་ལོའི་དུས་རབས་གསུམ་པའི་དུས་སྟོད་ལ་བོད་ཀྱི་ནང་བསྟན་ཆོས་རྒྱུད་ཆེན་པོ་བཞི་ལས་དྭགས་པོ་དཀར་བརྒྱུད་པའི་རིང་ལུགས་འཛིན་པ་འགྲོ་མགོན་གཙང་བ་རྒྱ་རས་ཀྱིས་ཙ་རིའི་གནས་སྒོ་ཕྱེ་བ་དང་སྦྲགས་ཙ་རི་རོང་སྐོར་གྱི་ལམ་སྲོལ་བཏོད་པ་ནས་སྙན་གྲགས་ཤིན་ཏུ་ཆེ། ངག་རྒྱུན་ལ་འདི་རུ་ཤིང་སྣ108དང་སྨན་སྣ་རྩ་ཆེན108 སྒྲུབ་ཕུག108ཡོད་པར་གྲགས་ཤིང་། ཡུལ་འདི་ནི་གནའ་ནས་ད་ལྟ་ལ་ཐུག་གི་བར་དད་ལྡན་ཕོ་མོ་དང་ཡུལ་སྐོར་བ་རྣམས་ཡིད་སྨོན་འཆོར་སའི་གནས་རི་འགངས་ཆེན་ཞིག་གོ །
This article uses material from the Wikipedia བོད་སྐད article ཙ་རི, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). དེ་མིན་གྱི་མཆན་འགྲེལ་ཡོད་ན་མ་གཏོགས། དྲ་བའི་ནང་དོན་ CC BY-SA 4.0 སྟེང་དུ་ཡོད། Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki བོད་སྐད (DUHOCTRUNGQUOC.VN) is an independent company and has no affiliation with Wiki Foundation.