भूपाली
भूपाली चाहे भूप हिंदुस्तानी संगीत में एगो प्रमुख राग हवे। एह राग में पाँच गो सुर (स्वर) लागे लें। आरोह-अवरोह दुनों में पाँच-पाँच गो सुर लागे के कारन हेकरा के औढ़व-औढ़व जाति के राग में गिनल जाला।
ई राग कल्याण ठाठ के राग हवे आ एकरे गावे बजावे के समय रात के पहिला पहर, मने कि देर साँझ बेरा मानल जाला। एह राग में अधिकतर रचना भक्ति के मिले लीं आ एही से एकरा के भक्ति आ शांति के राग मानल जाला। कई गो भजन आ परसिद्ध फिलिमी गाना एह राग में बान्हल गइल बाड़ें।
भूपाली, यमन आ भैरव कुछ अइसन राग हवें जे सुरुआती राग मानल जालें आ सीखे सिखावे में इनहन के पहिले सिखावल जाला।
कर्नाटक संगीत में एह राग के राग मोहनम के नाँव से जानल जाला।
बिबरन
- आरोही
सा, रे, ग, प, ध
- अवरोही
सां, ध, प, ग, रे, सा
फिलिमी गाना
राग भूपाली पार आधारित कुछ प्रमुख फिलिमी गाना बाड़ें:
- सायोनारा सायोनारा (लव इन टोकियो)
- पंख होते तो उड़ आती रे (सेहरा)
- देखा एक ख़्वाब तो ये सिलसिले हुए (सिलसिला)
- नील गगन की छाँव में (आम्रपाली)
इहो देखल जाय
- शिवरंजनी
- दुर्गा
 | ई संगीत-संबंधी लेख एगो आधार बाटे। जानकारी जोड़ के एकरा के बढ़ावे में विकिपीडिया के मदद करीं। |
This article uses material from the Wikipedia भोजपुरी article भूपाली, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). सामग्री CC BY-SA 4.0 की तहत उपलब्ध बा जबले कि अलगा से बतावल न गइल होखे। Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki भोजपुरी (DUHOCTRUNGQUOC.VN) is an independent company and has no affiliation with Wiki Foundation.