Сатырычны раман складаецца з 100 глаў і апавядае пра падарожжа манаха па імені Сюаньцзан, які адправіўся з Кітая да Індыі па Шаўковаму шляху за будыйскімі сутрамі. Падчас вандраванняў ён сустракае спадарожніка, караля малпаў Сунь Укуна, і большасць эпізодаў уяўляюць сабой сустрэчы і бойкі з рознымі фальклорнымі і міфалагічнымі істотамі.
Раман складаецца з 100 частак, якія падзяляюцца на 4 часткі. Першая частка займае главы 1–7 і змяшчае ўступ да асноўнай гісторыі.
Другая частка знаёміць чытачоў з адным з галоўных герояў, з манахам Сюаньцзанам, апісвае асноўныя моманты яго жыцця да падарожжа (главы 8–12). Сюанцзан жыве ў Кітаі дынастыі Тан і незадаволены тым, што людзі яго зямлі ўвязлі ў грахах, прагнасці, гвалту і беззаконні, і вырашае адправіцца ў Індыю за будыйскімі скруткамі, каб дапамагчы духоўнаму аднаўленню сваёй зямлі.
Трэцяя і самая доўгая частка пакрывае главы 13–99 і апісвае прыгоды манаха на пуці да індыйскай гары Грыдарадж Парват. Падчас пуці ён сустракае новых спадарожнікаў, якія становяцца яго вучнямі: цара малпаў Сунь Укуна (які з'яўляецца па сутнасці галоўным героем), напалову чалавека напалову свінню Чжу Бацзэ, манаха Са Шэна (які раней бы нябесным генералам) і белага каня-цмока Юлона, які раней быў прынцам. Кожны эпізод складаецца з 1–4 глаў і звычайна пачынаюцца з таго, што Сюаньцзана бяруць у палон розныя звышнатуральныя істоты, а яго вучні намагаюцца знайсці спосаб яго вызвалення.
У чацвёртай частцы (глава 100) Сюаньцзан з вучнямі вяртаюцца ў Кітай пасля 14 гадоў вандравання з будыйскімі сутрамі, і імператар ладзіць раскошнае святкаванне ў іх гонар. За паслугі Сюаньцзань становіцца Буддай сандалавага дрэва.
У культуры
У літаратуры
У 1641 годзе Дун Юэ выдаў невялікі раман «Дапаўненне да Падарожжа на Захад», дзеянне ідзе паміж 61 і 62 главамі арыгінальнага рамана.
На аснове «Падарожжа» у 1984 годзе мангака Акіра Торыяма выдаў мангу «Жэмчуг Цмока».
У тэатры
На аснове твора напісана п'еса ў класічным кітайскім жанры цзацзюй «Падарожжа на Захад»
У 2007 годзе на аснове рамана пастаўлена опера Дэймана Албарна «Малпа: Падарожжа на Захад»
У відэагульнях
Sayuki: Journey West — японская пакрокавая RPG ад кампаніі Koei.
Enslaved: Odyssey to the West — Action-adventure гульня ад кампаніі Ninja Theory
Літаратура
Fu, James S. Mythic and Comic Aspects of the Quest. Singapore: Singapore University Press, 1977.
Hsia, C.T. «The Journey to the West». The Classic Chinese Novel. New York: Columbia UP, 1968. 115—164.
Kao, Karl S.Y. «An Archetypal Approach to Hsi-yu chi.» Tamkang Review 5, no.2 (Oct 1974). 63–98.
Plaks, Andrew. The Four Masterworks of the Ming Novel. Princeton: Princeton UP, 1987. 183—276.
---. «Journey to the West». Miller, Barbara S. (ed.): Masterworks of Asian Literature in Comparative Perspective. New York — London: M.E. Sharpe, 1994. 272—284.
Yu, Anthony C. «Two Literary Examples of Religious Pilgrimage: The Commedia and the Journey to the West.» History of Religions 22, no. 3 (Feb 1983). 202—230.
This article uses material from the Wikipedia Беларуская article Падарожжа на Захад, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses. ®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.