Амерыканскі Ўніверсітэт: прыватны ўніверсітэт у Вашынгтоне, ЗША
Амерыканскі ўніверсітэт (англ.: American University) — прыватная вышэйшая навучальная ўстанова ў ЗША са статусам даследчага ўніверсітэта, якая знаходзіцца ў сталіцы дзяржавы — горадзе Вашынгтон.
| Амерыканскі ўніверсітэт | |
|---|---|
| англ.: American University | |
 | |
 | |
| Арыгінальная назва | англ.: American University |
| Заснаваны | 1893 |
| Студэнты | 12 445 і 14 001 |
| Размяшчэнне | Вашынгтон, ЗША |
| Сайт | american.edu |
 Медыяфайлы на Вікісховішчы | |
Агульная характарыстыка
Універсітэт быў заснаваны актам Кангрэса ЗША ў 1893 годзе па ініцыятыве біскупа-метадыста Джона Флетчэра Хёрста, які імкнуўся стварыць навучальную ўстанову, якая б спрыяла служэнню грамадству, інтэрнацыяналізму і прагматычнаму ідэалізму.
Універсітэт фактычна пачаў функцыянаваць у 1902 годзе, адкрыўся як навучальная ўстанова паслядыпломнай адукацыі ў 1914 годзе і прыняў першых студэнтаў у 1925 годзе. Хоць універсітэт і звязаны з метадысцкай царквой, рэлігійная прыналежнасць не з’яўляецца крытэрыем для паступлення.
Выпускнікі, выкладчыкі і супрацоўнікі ўніверсітэта ўключаюць двух лаўрэатаў Пулітцэраўскай прэміі, двух лаўрэатаў Нобелеўскай прэміі, аднаго сенатара ЗША, 25 чненаў Кангрэса, дзясяткі паслоў і некалькі кіраўнікоў замежных дзяржаў. Універсітэт уваходзіць у пяцёрку найлепшых навучальных устаноў для Дзяржаўнага дэпартамента ЗША, Кангрэса ЗША і іншых дзяржаўных устаноў.
Структура
- Каледж мастацтваў і навук
- Школа бізнесу
- Школа камунікацый
- Школа адукацыі
- Школа міжнародных адносін
- Цэнтр прафесійнага навучання і падрыхтоўкі кіраўнікоў
- Школа грамадскіх спраў
- Юрыдычны каледж
Гл. таксама
Заўвагі
Спасылкі
На Вікісховішчы ёсць медыяфайлы па тэме Амерыканскі ўніверсітэт- Афіцыйная інтэрнэт-старонка ўніверсітэта
This article uses material from the Wikipedia Беларуская article Амерыканскі ўніверсітэт, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.