120-я Яро́слаўская о́рдэнаў Куту́зава III ступе́ні і Чырво́най Зо́ркі зені́тная раке́тная брыга́да — падраздзяленне ўзброеных сіл Беларусі.
Месца дыслакацыі штаба — Баранавічы.
120-я зенітная ракетная брыгада | |
---|---|
Гады існавання | з 1942 г. |
Краіна | Беларусь |
Падпарадкаванне | Генеральны штаб Узброеных Сіл Рэспублікі Беларусь |
Уваходзіць у | Заходняе аператыўнае камандаванне |
Тып | баявая вайсковая часць |
Дыслакацыя | штаб — Баранавічы |
Знакі адрознення |
У 1942 годзе ў сяле Паўшына ў Падмаскоўі быў сфармаваны 994-ы асобны зенітны артылерыйскі полк.
У жніўні 1944 года за адрозненне ў баях пры авалоданні польскімі гарадамі Пшэмысль і Ярослаў і праяўленыя пры гэтым мужнасць і гераізм палку было прысвоена ганаровае найменне «Ярослаўскі». А ў лютым 1945-га пасля прарыву варожай абароны на Сандамірскім плацдарме воінская часць была ўзнагароджана ордэнам Кутузава III ступені. За ўзорныя баявыя дзеянні пры авалоданні гарадамі Грунберг, Зомер, Фельде, Зораў у красавіку 1945 года полк быў узнагароджан ордэнам Чырвонай Зоркі.
На баявым рахунку 994-га асобнага зенітнага артылерыйскага палка — 114 самалётаў, 5 танкаў, 9 бронетранспарцёраў, 2 059 знішчаных салдат і афіцэраў праціўніка, было падаўлена 5 артылерыйскіх і мінамётных батарэй, узята ў палон 1 648 чалавек.
За гады вайны былі ўзнагароджаны ордэнамі і медалямі 665 воінаў палка. Увесь асабісты склад быў узнагароджаны медалямі «За перамогу над Германіяй» і «За вызваленне Прагі».
У 1970 годзе часць была ператворана ў брыгаду, яна атрымала на ўзбраенне зенітны ракетны комплекс «Круг», пасля яго змяніў ЗРК «Бук ». У 2011 годзе на ўзбраенне брыгады паступілі зенітныя ракетныя комплексы «Тор-2М ».
У студзені 2014 года з прыняццем у баявы склад трэцяй зенітнай ракетнай батарэі завяршылася фарміраванне паўнацэннага зенітнага ракетнага дывізіёна «Тор-М2». Праз месяц у ходзе тактычнага вучэння з падраздзяленнямі брыгады разлікі 3-й зенітнай ракетнай батарэі «Тор-М2» правялі баявыя стрэльбы на «выдатна».
This article uses material from the Wikipedia Беларуская article 120-я зенітна-ракетная брыгада, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.