Цэнтральная Навуковая Бібліятэка Імя Я. Коласа Нан Беларусі

Бібліятэку заснавалі 16 лютага 1925 года пры Інстытуце беларускай культуры. Ад заснавання яна атрымлівала абавязковы асобнік навуковай перыёдыкі Расіі. У 1926 годзе вяла абмен з 100 кнігасховішчамі СССР і 74-ма ў ЗША, Канадзе, Германіі, Польшчы і Францыі. У 1927 годзе мела 32230 кніг, выпісвала 69 савецкіх і 23 замежных найменняў часопісаў. Паводле пастановы ўраду Беларускай ССР ад 15 студзеня 1934 года пачала атрымліваць поўны абавязковы асобнік кніг, брашур і перыядычных выданняў, геаграфічных і тапаграфічных карт. Пастановай № 630 ад 25 мая 1948 г. урад Беларускай ССР надаў бібліятэцы імя Вісарыёна Бялінскага. З 1956 года носіць імя Якуба Коласа (1882—1956). У 1959 годзе яна вяла абмен з 192 кнігасховішчамі СССР і 153-ма замежнымі ў 32 краінах. У 1965 мела 6 тыс. чытачоў, якім выдала 300 тыс. кніг. У 1967 годзе атрымала 7-павярховы будынак з 10-ярусным кнігасховішчам. За 590 тыс. наведванняў у 2009 годзе 37 тыс. чытачоў атрымалі 1801 тыс. выданняў.

1. Ян Серада (1925—1927)
2. Клімент Гурвіч (1927-1929)
3. Дзмітрый Даўгяла (1929-1937)
4. Барыс Сянько (1937)
5. Іван Косараў (1937-1941)
6. Восіп Шыманоўскі (1941-1950)
7. М. А. Вільгусевіч (1950-1952)
8. Ф. В. Сцепанюк (1952-1960)
9. Міхаіл Стрыжонак (1961—1994)
10. С. М. Емяльянава (1994-1998)
11. Наталля Бярозкіна (1998—2013)
12. Алесь Груша (2014—2022)
13. Станіслаў Юрэцкі (з 23 верасня 2022)

 

1. Адміністрацыя
2. Навукова-даследчы аддзел бібліятэказнаўства
3. Аддзел навуковага фарміравання фондаў
4. Аддзел маркетынгавых камунікацый
5. Аддзел бібліятэчна-інфармацыйнага абслугоўвання
6. Аддзел інфармацыйных рэсурсаў
7. Цэнтр даследаванняў старадрукаў і рукапісаў
8. Аддзел навуковай апрацоўкі дакументаў
9. Аддзел лінгвістычнага забеспячэння
10. Аддзел арганізацыі асноўнага фонду
11. Аддзел праграмнага і тэхнічнага забеспячэння навуковых даследаванняў
12. Цэнтр энцыклапедычных выданняў
13. Гаспадарчы аддзел