Фельдкірх: горад у Аўстрыі
Фельдкірх (ням.
Feldkirch) — старадаўні аўстрыйскі горад на захадзе краіны, у федэральнай зямлі Форарльберг. Размешчаны на рацэ Іль, прытоку Рэйна. Самы заходні горад Аўстрыі, знаходзіцца ўсяго ў трох кіламетрах ад мяжы са Швейцарыяй.
Горад Фельдкірх Feldkirch
 Замак Шатэнбург
Фельдкірх на карце Аўстрыі   | ||||||||||||||||||||||||||||||||||||
Насельніцтва 28607 чалавека па перапісе 2001 года, каля 31 000 па дадзеных 2006 года. Фельдкірх — другі па велічыні горад Форарльберга пасля Дорнбірна, пераўзыходіць па колькасці насельніцтва сталіцу правінцыі — Брэгенц.
| Кліматаграма Фельдкірх | |||||||||||
|---|---|---|---|---|---|---|---|---|---|---|---|
| С | Л | С | К | М | Ч | Л | Ж | В | К | Л | С |
68 3 -3 | 65 5 -2 | 73 10 1 | 87 14 4 | 107 19 8 | 151 22 11 | 165 24 14 | 152 24 13 | 113 20 10 | 78 14 6 | 92 8 1 | 80 4 -2 |
| Тэмпература ў °C • Сума ападкаў у мм Крыніца: ZAMG | |||||||||||
Гісторыя
Фельдкірх упершыню згадваецца ў 830 годзе пад імем Вельдкірыхум. З 1190 года горад належаў графам Манфор, у 1218 годзе атрымаў правы горада. У 1375 годзе ўвайшоў у склад манархіі Габсбургаў.
У 1697 годзе горад моцна пацярпеў ад страшнага пажару, аднак вялікая колькасць старадаўніх дамоў ацалела да нашага часу .
Славутасці
- Замак Шатэнбург. Замак пабудаваны на гары, якая ўзвышаецца над горадам, у 1260 годзе. Служыў рэзідэнцыяй графам Манфор. Самы вялікі і добра захаваны са старажытных замкаў Форарльберга. Цяпер — краязнаўчы музей.
- Сабор св. Мікалая. Перабудаваны з больш старадаўняй царквы ў 1478 годзе ў гатычным стылі. Алтар св. Ганны (1521 год) створаны выхадцам горада, Вольфам Хуберам, знакамітым сярэднявечным жывапісцам і скульптарам.
- Ратуша. Скончана ў 1493 годзе. Фасад упрыгожаны фрэскамі.
- Вежа Кацэнтурм. Каціная вежа — адна з чатырох захаваных веж сярэднявечных гарадскіх умацаванняў і найбольш вядомая. Пабудавана ў 1507 годзе.
Культура
З 2003 года ў Фельдкірхе штогод прысуджаецца аўстрыйская прэмія ў вобласці паэзіі — прэмія Фельдкірха.
Палітычная сітуацыя
Бургамістр камуны — Вільфрыд Берхтальд (АНП) па выніках выбараў 2005 года.
Савет прадстаўнікоў камуны (ням.: Gemeinderat) складаецца з 36 месцаў.
Спасылкі
На Вікісховішчы ёсць медыяфайлы па тэме Фельдкірх- Гарадскі сайт (ням.)
This article uses material from the Wikipedia Беларуская article Фельдкірх, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.