Трагедыя На Стадыёне Ў Порт-Саідзе
Разня на стадыёне ў Порт-Саідзе — інцыдэнт, які адбыўся 1 лютага 2012 года ў егіпецкім горадзе Порт-Саід.
Падчас футбольнага матчу паміж мясцовым клубам «Аль-Масры» і каірскай камандай «Аль-Ахлі», пры ліку 3:1 на карысць «гаспадароў» на поле нечакана выбеглі заўзятары і пачалі збіваць футбалістаў клуба, які прайграў. У масавай бойцы і піханіне на выхадзе са стадыёна загінулі сама меней 73 чалавека, не меней тысячы атрымалі раненні і калецтвы. Шматлікія пацярпелыя атрымалі нажавыя раненні.
З-за інцыдэнту футбольная федэрацыя Егіпта заявіла, што адкладае на нявызначаны тэрмін усе матчы егіпецкай прэм'ер-лігі. У Каіры ўгневаныя гэтым рашэннем заўзятары падпалілі іншы стадыён, на якім павінен быў адбыцца яшчэ адзін матч таго ж тура.
Арыштавана 47 чалавек, пошук завадатараў працягваецца. У Порт-Саід уведзены армейскія падраздзяленні. Шэраг першых асоб горада адпраўлены ў адстаўку.
Спасылкі
This article uses material from the Wikipedia Беларуская article Трагедыя на стадыёне ў Порт-Саідзе, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.