Сандрынгемскі палац (Sandringham House) — прыватная сядзіба Віндзорскай дынастыі, размешчаная ў Норфалку сярод 20 тыс.
акраў паляўнічых угоддзяў.
Славутасць | |
Сандрынгемскі палац | |
---|---|
англ.: Sandringham House | |
HGЯO | |
Краіна | |
Месцазнаходжанне | |
Архітэктурны стыль | Jacobethan[d] |
Архітэктар | A. J. Humbert[d] |
Дата заснавання | 1865 |
Матэрыял | цэгла |
Сайт | sandringhamestate.co.uk |
| |
Медыяфайлы на Вікісховішчы |
Сядзіба была набыта ў 1862 г. у прыёмнага сына лорда Пальмерстана каралевай Вікторыяй па просьбе спадчынніка прастола, прынца Уэльскага, у сувязі з яго хуткім шлюбам з Аляксандрай Дацкай. Каб праводзіць узімку больш часу на паляванні, прынц загадаў перавесці ўсе гадзіннікі ў Сандрынгеме на паўгадзіну наперад. Гэта распараджэнне заставалася ў сіле да ўзыходжання на прастол Эдуарда VIII у 1936 г.
Сандрынгем упадабаўся Аляксандры і стаў асноўным месцам знаходжання «маладога двара». Па меры росту іх сямейства стары сядзібны дом стаў здавацца цесным. У канцы 1860-х гг. ён быў істотна пашыраны, набыўшы цяперашняе нягеглае аблічча, як бы злепленае з цюдораўскага і ганнінскага стыляў. Па віктарыянскіх часах унутранае начынне сядзібы лічылася верхам камфорту. Яна была абсталявана газавым асвятленнем, падабенствам душа і злівам у прыбіральнях.
Пасля смерці мужа каралева Аляксандра працягвала жыць у Сандрынгеме да самай смерці. Таксама тут памерлі яе сын Георг V і ўнук Георг VI. Для пражывання першага з іх у парку быў выбудаваны невялікі дом (Ёрк-катэдж), а другі вымушаны быў выкупляць сядзібу (як уладанне прыватнае, а не дзяржаўнае) у старэйшага брата (Эдуарда VIII) пасля яго адрачэння ад трона. Цяперашняя каралева Елізавета таксама ўпадабала Сандрынгем. Тут яна адасабляецца з роднымі ва ўгодкі смерці бацькі і ўласнай каранацыі, а таксама на Новы год.
У памесце Эплтан-хаус на ўскраіне сандрынгемскай сядзібы да здабыцця Нарвегіяй незалежнасці жылі будучы кароль Хокан VII са сваёй брытанскай жонкай. Тут у іх нарадзіўся адзіны сын — прынц Аляксандр (будучы Улаф V).
This article uses material from the Wikipedia Беларуская article Сандрынгемскі палац, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.