Патокава-Ледавіковыя Адклады
Пато́кава-ледавіко́выя адкла́ды, флювіягляцыяльныя адклады — слаістыя адклады, якія ўтвораны патокамі расталых ледавіковых водаў.
Адрозніваюць прыледавіковыя і ўнутрыледафіковыя адклады.
Прыледавіковыя адклады ўтвараюцца перад ледавіком выцякаючымі з-пад яго краю талымі водамі. Ім уласціва хуткая змена па меры аддалення ад краю ледавіка грубых галечных і валунных пяскоў дробназярністымі пяскамі. Утвараюць зандры, флювіягляцыяльныя тэрасы.
Унутрыледафіковыя адклады ўтвараюцца талымі водамі ў падлёдных тунэлях, прамыінах і праталінах у тоўшчы ледавіка. Адрозніваюцца вялікай неаднастайнасцю складу, абумоўленай чаргаваннем ў разрэзе і зменай на плошчы назапашванняў валунных і галечных матэрыялаў, жвіру, дрэнна адсартаваных або добра прамытых пяскоў рознай буйнасці. Утвараюць камы, озы.
З патокава-ледавіковымі адкладамі звязаны радовішчы пяску, жвіру, прэсных падземных водаў.
Зноскі
Літаратура
- Пато́кава-ледавіко́выя адкла́ды, флювіягляцыяльныя адклады // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 567. — 800 с. — 5 000 экз. — ISBN 985-11-0026-9.
- Отложения водно-ледниковые // Геологический словарь: в 2-х томах. / Под редакцией К. Н. Паффенгольца и др. — М.: Недра, 1978. (руск.)
This article uses material from the Wikipedia Беларуская article Патокава-ледавіковыя адклады, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.