Манастыршчынскі Раён

Адміністрацыйны цэнтр — г.п. Манастыршчына.

Манастыршчынскі раён
Монастырщинский район
Герб Сцяг[d]
Краіна	Расія
Статус	муніцыпальны раён
Уваходзіць у	Смаленскую вобласць
Уключае	7 муніцыпальных утварэнняў
Адміністрацыйны цэнтр	Манастыршчына
Дата ўтварэння	1 кастрычніка 1929
Насельніцтва (2017)	9 195
Плошча	1513,75
Часавы пояс	+2UTC +3
Тэлефонны код	+7 48148
Код аўтам. нумароў	67
Афіцыйны сайт
Медыяфайлы на Вікісховішчы

Плошча раёна — 1513,75 км².

Тэрытарыяльна раён мяжуе: на паўночным захадзе з Краснінскім, на паўночным усходзе з Смаленскім, на ўсходзе з Пачынкаўскім, на паўднёвым усходзе з Хіславіцкім раёнамі Смаленскай вобласці. На паўднёвым захадзе і захадзе раён мяжуе з Беларуссю.

Раён размяшчаецца на Смаленска-Краснянскім узвышшы. Водападзел ракі Дняпро і Сажа. Паўднёвая частка раёна ў Сожаўскай нізіне. Асноўная рака — Віхра.

На падвышаных, добра дрэнажаваных водападзельных дзялянках пераважаюць дзярнова-сярэднепадзолістыя глебы на лёсападобных суглінках і марэне. У паніжэннях рэльефу звычайныя дзярнова-сільнападзолістыя забалочаныя і дзярновыя забалочаныя, у далінах рэк — поймавыя глебы. Лясы займаюць 11,1 % тэрыторыі.

У 1929 годзе утвораны Манастыршчынскі раён з цэнтрам у Манастыршчыне.

Колькасць насельніцтва — 9 195 чал. (2017).

З 2015 года ў Манастыршчынскім раёне 202 населеных пункта ў складзе 1 гарадскога і 6 сельскіх паселішчаў::

Гарадскія паселішчы

1. Манастыршчынскае гарадское паселішча

Сельскія паселішчы

1. Аляксандраўскае сельскае паселішча
2. Барсукоўскае сельскае паселішча
3. Гогалеўскае сельскае паселішча
4. Новаміхайлаўскае сельскае паселішча
5. Собалеўскае сельскае паселішча
6. Татарскае сельскае паселішча

Сельская гаспадарка спецыялізуецца на малочна-мясной жывёлагадоўлі і збожжавытворчасці, ільнаводстве, вырошчванні бульбы.

Манастыршчына злучана дарогамі рэгіянальнага значэння з Смаленскам, Красным, Хіславічамі і Мсціславам.

• Царква Ушэсця Гасподняга ў в. Мягновічы.

• Цімафей Іванавіч Валковіч (1899—1981) — савецкі ваенны дзеяч, генерал-маёр.
• Эсфір Саламонаўна Гурэвіч (нар. 1921) — беларускі літаратуразнавец.
• Васіль Мікалаевіч Еўцыхевіч (1911—1980) — савецкі вучоны, географ і педагог.
• Сяргей Уладзіміравіч Фамін (1906—1941) — беларускі паэт.
• Уладзімір Дзмітрыевіч Чарнігаў (1922—1985) — беларускі вучоны ў галіне ветэрынарыі.
• Павел Пятровіч Шастакоў (1899—1937) — беларускі паэт і журналіст.