Ленінскія прэміі — у СССР адна з вышэйшых формаў заахвочвання грамадзян за найбольш буйныя дасягненні ў галіне навукі, тэхнікі, літаратуры, мастацтва і архітэктуры.
Ленінская прэмія | |
---|---|
Ленинская премия | |
Арыгінальная назва | Ленинская премия |
Краіна | СССР |
Тып | ганаровае званне |
Дата заснавання | 23 чэрвеня 1925 |
Статус | не прысвойваецца |
Чарговасць узнагарод | |
Малодшая | Дзяржаўная прэмія СССР |
Медыяфайлы на Вікісховішчы |
Прэміі імя У. І. Леніна былі заснаваны 23 чэрвеня 1925 г. па пастанове ЦК ВКП (б) і СНК. Першапачаткова прысуджаліся толькі за навуковыя працы.
З 1935 па 1957 гады не прысуджаліся. У 1941-1952 гадах ўручаліся Сталінскія прэміі трох ступеняў.
15 жніўня 1956 г. ЦК КПСС і Савет Міністраў СССР прынялі пастанову аднавіць прэміі імя У. І. Леніна і прысуджаць іх штогод да дня нараджэння У. І. Леніна - 22 красавіка. У 1957 годзе было адноўлена прысуджэнне Ленінскіх прэмій за выдатныя навуковыя працы, архітэктурныя і тэхнічныя збудаванні, вынаходкі, укаранёныя ў народную гаспадарку, тэхналагічныя працэсы і інш; былі таксама заснаваны Ленінскія прэміі за выдатныя творы літаратуры і мастацтва. У сакавіка 1960 года былі заснаваны Ленінскія прэміі ў галіне журналістыкі і публіцыстыкі.
Пачынаючы з 1957 Ленінскія прэміі прысуджаліся штогод да дня нараджэння У. І. Леніна, а з 1967 - 1 раз у 2 гады, па цотных гадах.
This article uses material from the Wikipedia Беларуская article Ленінская прэмія, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.