Зомба: горад у Малаві

Насельніцтва (2018 г.) — 105 013 чал.

Горад Зомба Zomba Будынак каланіяльнай эпохі Краіна  Малаві Каардынаты HGЯO Першая згадка 1885 Горад з 1893 Плошча 42 км² Насельніцтва 105013 чалавек (2018) Нацыянальны склад ломвэ, яа, чэва, нгоні Канфесійны склад пратэстантызм (65,47%), каталіцызм (17,67%), іслам (14,17%) Часавы пояс UTC+2 Афіцыйны сайт Гарадская рада (англ.) Зомба на карце Малаві

Медыяфайлы на Вікісховішчы

Зомба вядома з 1885 г. як паселішча шатландскіх плантатараў. У 1887 г. тут быў узведзены першы мураваны будынак Рэзідэнцыя для абароны ў магчымых сутычках з гандлярамі рабамі. У 1893 г. Зомба стала сталіцай пратэктарата Брытанская Цэнтральная Афрыка, у 1907 г. — пратэктарата Ньясаленд. У 1964 — 1974 гг. — першая сталіца дзяржавы Малаві.

Зомба месціцца на ўзвышшах за 230 км на паўднёвы усход ад Лілонгвэ. Аднайменнае скальнае плато каля горада — яго галоўная прыродная славутасць. Клімат трапічны вільготны. Сярэднегадавая тэмпература трымаецца каля +21C. Гадавая колькасць ападкаў — 1340 мм.

Зомба — важны эканамічны, адукацыйны і турыстычны цэнтр Малаві. Аснову мясцовай эканомікі фарміруюць харчовая і перапрацоўчая прамысловасць, гандлёвыя і транспартныя прадпрыемствы. У горадзе месцяцца Канцлер-каледж універсітэта Малаві, тэалагічны каледж, найбуйнейшая ў краіне каталіцкая школа, гарадскі шпіталь, турма строгага рэжыму. Цэнтральная частка Зомбы славута брытанскімі каланіяльнымі будынкамі першай паловы XX ст.

• Гарадская рада (англ.)
• На сайце ўніверсітэта Малаві (англ.)
• Турыстычная інфармацыя (англ.)