Гіда Вестэрвэле (ням.: Guido Westerwelle; 27 снежня 1961 — 18 сакавіка 2016) — нямецкі палітык, з 2001 старшыня ліберальнай палітычнай партыі СвДП.
Віцэ-канцлер і міністр замежных спраў Германіі з 28 кастрычніка 2009.
24 кастрычніка 2009 г. блок Хрысціянскіх дэмакратычных партый, які ўзначальвае канцлер Германіі Ангела Меркель, і «Свабодная дэмакратычная партыя» на чале з Гіда Вестэрвеле абвясцілі аб стварэнні правацэнтрысцкай кааліцыі. Згодна з кааліцыйным пагадненнем Гіда Вестэрвэле заняў пост віцэ-канцлера і міністра замежных спраў.
2 лістапада 2010 года наведаў з афіцыйным візітам Рэспубліку Беларусь.
Вестэрвэле са сваім спадарожнікам жыцця Міхаэлем Мронцам (2009) Гіда Вестэрвэле вядомы ў Германіі сваёй гомасексуальнай арыентацыяй. Свой камінг-аўт Вестэрвэле здзейсніў у 2004 годзе, прыйшоўшы са сваім партнёрам Міхаэлем Мронцам на прыём з нагоды дня нараджэння Ангелы Меркель. 17 верасня 2010 года яны заключылі грамадзянскі саюз.
У кастрычніку 2009 года ў інтэрв’ю нямецкаму штотыднёвіку «Stern» Вестэрвэле заўважыў: «Калі б нямецкая талерантнасць стала б прыкладам і для іншых краін, гэта ўмацавала бы нашу знешнюю палітыку». У тым жа інтэрв’ю Вестэрвэле прапанаваў урэзаць дапамогу тым краінам, якія развіваюцца, у якіх жанчын не лічацца за людзей, а геяў і лесбіянак прыцягваюць да судовай адказнасці толькі за іх сексуальную арыентацыю.
This article uses material from the Wikipedia Беларуская article Гіда Вестэрвэле, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.