1-Га Складу Багушэўская Партызанская Брыгада

Дзейнічала на акупіраванай тэрыторыі Багушэўскага, Аршанскага і Гарадоцкага раёнаў. 10 сакавіка 1943 года брыгада (125 партызан, 4 атрады) выйшла ў савецкі тыл і была расфарміравана.

Багушэўская партызанская брыгада
Гады існавання	1942—1943
Краіна	Беларуская ССР
Падпарадкаванне	Беларускі штаб партызанскага руху
Тып	партызаны
Функцыя	барацьба з нямецкімі акупацыйнымі ўладамі
Колькасць	125 партызан (9.3.1943)
Дыслакацыя	Багушэўскі , Аршанскі, Гарадоцкі раёны
Войны	Вялікая Айчынная вайна
Камандзіры
Вядомыя камандзіры	В. У. Бойка; П. І Кірылаў; М. П. Крэсік (загінуў)

Склад

Брыгада была створана ў Багушэўскім раёне на базе атрадаў В. У. Бойкі (1-га, у нямецкім тыле ў лютым — жніўні 1942 года), імя Варашылава (2-га, з восені 1942 года ў 1-й партызанскай брыгадзе імя К. С. Заслонава), імя Суворава (арганізаваны ў маі 1942 года, потым 3-і), І. І. Кржасінскага (сфарміраваны ў кастычніку 1941 — сакавіку 1943, потым 4-ы) і П. І. Кірылава (арганізаваны ў маі 1942 года, 5-ы, потым 1-ы атрад), у ліпені 1942 года ў склад брыгады ўвайшоў атрад Б. Ц. Гарнака (6-ы, у жніўні рассеяны). На дату выхаду ў савецкі тыл у склад брыгады ўваходзілі:

• 1-ы атрад;
• атрад імя Суворава;
• 3-і атрад;
• 4-ы атрад.

Камандзіры

• В. У. Бойка;
• П. І. Кірылаў;
• М. П. Крэсік (загінуў).

Камісары

• В. А. Манохін;
• С. А. Дзятлоўскі;
• А. К. Стэльмах.

Начальнікі штаба

• М. К. Вайцяхоўскі;
• В. П. Лаўкоў.

Гісторыя

Партызаны праводзілі дыверсіі на чыгунках Віцебск — Орша, Орша — Смаленск, шашэйных і грунтавых дарогах. У ліпені 1942 года каля возера Ардышэва і ў студзені 1943 у вёсцы Паддуб’е Суражскага раёна ўдзельнічалі ў баях з карнікамі. Разграмілі апорныя нямецкія пункты ў вёсках Буда і Клюкаўка Багушэўскага раёна. У лютым — сакавіку ўдзельнічалі ў баях з карнікамі, панеслі значныя страты.

• У 1960 годзе ў вёсцы Гаркава Віцебскага раёна ў гонар брыгады ўстаноўлена мемарыяльная дошка.
• У 1962 годзе ў вёсцы Сафіёўка Аршанскага раёна пастаўлены помнік.

• Беларусь у Вялікай Айчыннай вайне, 1941—1945: Энцыкл. / Рэдкал.: І. П. Шамякін (гал. рэд.) і інш. — Мн.: БелСЭ, 1990. — 680 с. — 20 000 экз. — ISBN 5-85700-012-2.

• Богушевская бригада (В. У. Бойко, «Бати») (Бойко, В. У., Кириллов, П. И., Кресик, Н. П.) (руск.) // Праект «Партизаны Беларуси»