Увечары 3 кастрычніка 2023 года ў венецыянскім раёне Местрэ адбылося буйное дарожна-транспартнае здарэнне, калі аўтобус трапіў на чыгуначныя шляхі.
У аўтакатастрофе загінуў 21 чалавек, яшчэ 18 пацярпелі.
Аўтакатастрофа адбылася ў 19:38 па мясцовым часе. Аўтобус кампаніі «La Linea» перавозіў 40 турыстаў ад плошчы Пьяцале Рома ў цэнтры Венецыі на кемпінг у раёне Маргера. Па словах відавочцаў, машына праехала каля 50 метраў па аўтамабільным мосце з Местры ў Маргеру, а затым, пратараніўшы агароджу, упала з 15-метровай вышыні на чыгуначныя шляхі і загарэлася.
Першапачаткова СМІ паведамлялі, што аўтобус быў запраўлены метанам і, закрануўшы лініі электраперадач пры падзенні, загарэўся. Кампанія-ўладальнік заявіла, што транспарт быў электрычным. Камандуючы пажарнай брыгады, якая прыехала за месца здарэння, паведаміў СМІ, што пажар быў выкліканы акумулятарамі аўтобуса.
Грамадзянства | Загінуўшыя | Пацярпелыя |
---|---|---|
Украіна | 9 | 6 |
Румынія | 4 | |
Германія | 3 | |
Партугалія | 2 | |
Харватыя | 1 | 1 |
ПАР | 1 | |
Італія | 1 | |
Іспанія | 2 | |
Францыя | 1 | |
Аўстрыя | 1 | |
Усяго | 21 | 18 |
З 40 чалавек, якія знаходзіліся ў аўтобусе, прынамсі 21 пасажыр, у тым ліку трое дзяцей, загінулі, яшчэ 18 атрымалі раненні, з якіх 9 апынуліся ў цяжкім стане. Сярод загінуўшых і пацярпелых — грамадзяне Украіны, Германіі, Харватыі, Францыі, Аўстрыі і Іспаніі. Адзіным грамадзянінам Італіі, загінулым у аўтакатастрофе, стаў 40-гадовы кіроўца аўтобуса Альберта Рыцота з сямігадовым стажам.
Мэр Венецыі Луіджы Бруньяра назваў гэтую падзею «апакаліптычнай». У горадзе была абвешчаная афіцыйная жалоба, на адміністрацыйных будынках ва ўсёй правінцыі Венета былі прыспушчаныя сцягі. Венецыянскі патрыярх Франчэска Маралья здзейсніў набажэнства на месцы трагедыі. 4 кастрычніка парламент Італіі ўшанаваў хвілінай маўчання ахвяр аварыі.
Спачуванні ў сувязі з аўтакатастрофай выказалі старшыня Савета Міністраў Італіі Джорджа Мелоні, прэзідэнт Італіі Серджа Матарэла, прэзідэнт Францыі Эмануэль Макрон, міністр замежных спраў Германіі Аналена Бербак, старшыня Еўрапейскага савета Шарль Мішэль, старшыня Еўрапейскай камісіі Урсула фон дэр Ляен.
This article uses material from the Wikipedia Беларуская article Аўтобусная аварыя ў Венецыі, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.