2006 Англійска-Беларускі Слоўнік: даведнік
Англійска-беларускі слоўнік — фактычна першая спроба ўкладання і выдання ў Беларусі такога тыпу даведніка.
Налічвае звыш 30000 слоў. Галоўным аўтарам-ўкладальніцай слоўніка з’яўляецца Валянціна Пашкевіч. Выдадзены ў 2006 годзе.
| Англійска-беларускі слоўнік | |
|---|---|
 | |
| Аўтар | Валянціна Мікалаеўна Пашкевіч |
| Мова арыгінала | беларуская |
| Выпуск | 2006 |
Апісанне
Прызначаны для шырокага кола карыстальнікаў, якія вымушаны былі рабіць пераклад з англійскай мовы на рускую, а потым на беларускую. Слоўнік арыентаваны ў першую чаргу на носьбітаў беларускай мовы. Універсальны характар дазваляе выкарыстоўваць яго для розных мэт у пісьмовай і вуснай камунікацыі — у міжнародных кантактах, у працэсе навучання англійскай мове, пры перакладах.
У адрозненне ад звыклай для беларускага перакладчыка рускай слоўнікавай традыцыі, у англійскай частцы ўжыты амерыканскі варыянт англійскай мовы, як найбольш распаўсюджаны ў свеце. У беларускай частцы ўжываецца г. зв. тарашкевіца, што ў пэўнай ступені абмяжоўвае кола карыстальнікаў слоўніка; акрамя таго, слоўнік мае такую асаблівасць, як пераклад англійскіх уласных імёнаў іх прыблізнымі беларускімі адпаведнікамі.
Рэдакцыйная калегія
- Зора Кіпель (старшыня рэдкалегіі да 2003 г.).
- Янка Запруднік (старшыня рэдкалегіі ад красавіка 2003 г.).
Сябры рэдкалегіі
Антон Адамовіч, Міхась Бахар, Томас Бэрд (рэдактар англійскай часткі), Вера Запруднік, Вітаўт Кіпель, Ала Рамана, Васіль Русак, Юры Рапецкі, Зміцер Саўка, Аляксандр Сільвановіч, Юры Станкевіч, Джон Стэнлі, Антон Шукелойць, Сяргей Шупа, Алёна Юрэвіч.
Літаратура
- Ангельска-беларускі слоўнік = English-belarusian dictionary / Валентына Пашкевіч; пад рэдакцыяй С. Шупы ; Беларускі інстытут навукі й мастацтва. — Мінск : З. Колас, 2006. — 1010 с. ; 22 см. — 2000 экз. — ISBN 985-6783-15-1 (у пераплёце)
Спасылкі
- Інфармацыя на сайце газеты «Наша Ніва»
- Інфармацыя ў часопісе «ARCHE» Архівавана 10 жніўня 2010.
- Інфармацыя ў інтэрнэт-краме Архівавана 18 кастрычніка 2007.
This article uses material from the Wikipedia Беларуская article Англійска-беларускі слоўнік (2006), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.