Аляксандр Залацінскавіч Анкваб (абх.: Александр Золотинска-иҧа Анқәаб; нар.
26 снежня1952, Сухумі, Абхазская АССР, ГССР, СССР) — абхазскі дзяржаўны і палітычны дзеяч, прэм'ер-міністр часткова прызнанай Рэспублікі Абхазія з 23 красавіка 2020 года. У мінулым - трэці прэзідэнт Рэспублікі Абхазія.
У Вікіпедыі ёсць артыкулы пра іншых асоб з прозвішчам Анкваб.
Акрамя абхазскага мае грамадзянства Расійскай Федэрацыі.
Біяграфія
У 1974 годзе скончыў Растоўскі юрыдычны інстытут, Акадэмію грамадскіх навук пры ЦК КПСС.
У 1991 быў абраны дэпутатам Вярхоўнага Савета Абхазіі. У 1992—1993 гадах быў міністрам унутраных спраў Абхазіі ва ўрадзе Уладзіслава Ардзінба.
У 1994—2000 гадах жыў у Маскве, займаўся камерцыяй. Вярнуўшыся ў Сухумі, сфармаваў першы ў Абхазіі апазіцыйны рух «Айтайра». У 2004 планаваў удзельнічаць у прэзідэнцкіх выбарах, але не змог выставіць сваю кандыдатуру з-за неадпаведнасці патрабаванням да кандыдату (Анкваб не патрапіў пад неабходны для вылучэння ў прэзідэнты цэнз аселасці — пражыванне ў Абхазіі не менш за 5 гадоў). Яго рашэнне падтрымаць на выбарах Багапша прынесла апошняму дадатковыя галасы выбаршчыкаў.
З 2010 віцэ-прэзідэнт Абхазіі, абраны на гэту пасаду разам з прэзідэнтам Сяргеем Багапшам.
У 2005—2010 — прэм'ер-міністр гэтай краіны.
Пасля смерці прэзідэнта Сяргея Багапша з 29 мая2011 года стаў выконваючым абавязкі прэзідэнта Абхазіі.
У 2011—2014 гадах — Прэзідэнт Абхазіі.
1 чэрвеня 2014 года падаў у адстаўку з пасады прэзідэнта да заканчэння тэрміну паўнамоцтваў у сувязі з хваляваннямі ў рэспубліцы, падчас якіх апазіцыя ціснула на Анкваба.
12 сакавіка 2017 года абраны ў Народны сход — парламент Абхазіі, а 24 сакавіка 2020 года атрымаў ад абранага прэзідэнта Аслана Бжанія пасаду прэм'ер-міністра, стаўшы найстарэйшым членам урада рэспублікі.
Зноскі
This article uses material from the Wikipedia Беларуская article Аляксандр Залацінскавіч Анкваб, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses. ®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.