Юзаф Ройтэн
Юзаф Ройтэн (Райсьцін) — архітэктар Стэфана Баторыя, які кіраваў працамі па перабудове гарадзенскага Старога замка ў стылі нямецкага маньерызму.
У 1589 г. у лаўнічых кнігах г. Львова ён згадваецца як «Яго Каралеўскае Вялікасьці будаўнічы й архітэктар замка гарадзенскага» («Sacrae Regiae Maiestatis Murator et Architectus in Arce Grodnensis»). Вядома, што Ройтэн пэўны час жыў у Горадні і валодаў зямельным надзелам у Сухім сяле (цяпер гэта тэрыторыя раёну былой Гарадніцы). Таксама Ройтэн прымаў удзел у будаўніцтве гарадзенскага парафіяльнага касьцёла, Фары Вітаўта, які Стэфан Баторы першапачаткова плянаваў перадаць езуітам. У актах літоўскай мэтрыкі за 1592 г. ён так і згадваецца: «будаўнічы касьцёла гарадзенскага». Польская дасьледчыца сакральнай архітэктуры Марыя Каламайска-Саед лічыць, што Ройтэн можа быць выхадцам з Аўстрыі, паколькі ў ваколіцах г. Лінцу існуе мясцовасьць Roiten.
Бібліяграфія
- W. Łoziński, Sztuka Lwowska XVI i XVII w., Lwów, 1901, s. 96
- Jarosław Wojciechowski, Stary zamek w Grodnie, II // Biuletyn Historii Sztuki i Kultury Nr. 3. – Warszawa: Zakład Architektury Polskiej i Historii Sztuki Politechniki Warszawskiej, 1938
- Józef Jodkowski, Grodno, Wilno, 1923, s. 82
Вонкавыя пасылкі
This article uses material from the Wikipedia Беларуская (тарашкевіца) article Юзаф Ройтэн, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.