Скарына, 1522 Псалтыр
Пса́лтыр («Псалътырь или песни стго пророка Божия Давида царя Ерусалимъскао о Христе») — віленскае выданьне Скарыны, якое выйшла ў сьвет каля 1522 року і ўваходзіць у склад «Малой падарожнай кніжкі».
Зьмест кнігі
На тытульным аркушы чырвоным колерам зьмешчаная назва кнігі. На 1-3-ім аркушах знаходзіцца «Предъъсловие во псалтырь», якое зьяўляецца скарочанай вэрсіяй прадмовы Псалтыра 1517 року, у прадмове адсутнічае тэкст з прыёмамі выданьня, сыстэм спасылак і глёсы на палях, якія тлумачаць чытачам незнаёмыя словы. На аркушах 4-128 даецца тэкст уласна кнігі Псалтыр, які амаль не адрозьніваецца ад праскага выданьня. На апошнім аркушы — пасьляслоўе: «Доконана ес[ть] псалтырь сия з Божией помощию повелениемъ працею и великою пилностью в лекарстве доктора Франциска Скорины из славнаго града Полоцька». Час і месца выданьня ў кнізе не пазначаныя.
Захаваліся 10 асобнікаў кнігі Псалтыр выданьня 1522 року.
Літаратура
- Францыск Скарына і яго час: Энцыкл. давед. / Беларус. Сав. Энцыклапедыя; Рэдкал. І. П. Шамякін (гал. рэд.) і інш. — Мн.: БелСЭ, 1988. — 608 с. — ISBN 5-85700-003-3
Вонкавыя спасылкі
This article uses material from the Wikipedia Беларуская (тарашкевіца) article Псалтыр (Скарына, 1522), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.