«Польшча — 1863 год» (па-польску: Polonia – Rok 1863) альбо «Закутая Польшча» (па-польску: Zakuwana Polska) — адзін з раньніх твораў польскага мастака Яна Матэйкі, створаны ў 1864 годзе.
Польшча – 1863 год | |
Польская мова: Polonia – Rok 1863 | |
Мастак | Ян Матэйка |
---|---|
Год | 1864 |
Тып | алей, палатно |
Памеры | 158 × 232 |
Месцазнаходжаньне | Музэй князёў Чартарыйскіх, Кракаў |
Карціну Ян Матэйка напісаў пад уплывам сьвежых перажываньняў і ўспамінаў мастака часоў Паўстаньня 1863—1864 гадоў, але яна не была завершана. Мацейка не бачыў шанцаў на выстаўленьне карціны і яе публічную прэзэнтацыю. Баючыся за сваю бясьпеку і бясьпеку сваёй сям’і, а таксама за магчымыя расправы, ён вырашыў схаваць палатно за печчу ў хаце, дзе яно праляжала некалькі гадоў. Пазьней карціна трапіла ў рукі сям’і Чартарыйскіх. Зараз экспануецца ў Музэі князёў Чартарыйскіх у Кракаве.
Polonia — палатно, вытрыманае ў карычнева-чорных колерах, з эскізнымі рысамі. Польшча — маладая жанчына ў кайданах, апранутая ў чорную сукенку, растрапаную на плячах, а жанчына ў белым, адрываная ад яе гвалтам, — гэта Русь. У лужыне крыві ля ног царскіх афіцэраў ляжыць труп напаўаголенай жанчыны — Літвы. Афіцэр, які стаяў над імі, Міхаіл Мураўёў, вядомы як Шыбіньнік, душыў паўстаньне ў Літве, а генэрал Фёдар Бэрг, які знаходзіцца разам зь ім, зрабіў тое ж самае ў Каралеўстве Польскім.
На сьцяне насупраць — маніфэст, які абвяшчае пачатак паўстаньня ў студзені 1863 году, а над ім — герб Расейскай імпэрыі, на грудзях якога зьмешчаны — герб Царства Польскага. Сцэна разгортваецца ў касьцёле, апаганеным расейскім войскам, якое апранута у літургічныя шаты і п’е віно з келіхаў для Імшы. Закуцьцё ў кайданы Польшчы адбываецца над магільнай плітою ў падлозе, што азначае магілы продкаў.
Справа відаць група людзей пад наглядам узброеных салдат, якія, верагодна, чакаюць высылкі ў Сыбір. У гэтай групе вылучаецца паранены паўстанец з рукой на перавязі, чый злосна сьціснуты кулак лагодным жэстам трымае манах-капуцын. Іншыя дэталі, бачныя на карціне Матэйкі: шабля Мураўёва датыкаецца з трупу жанчыны; салдат б’е прыкладам вінтоўкі некага ў грудзі, а штык ад яе ўтыкаецца ў расьпятага Хрыста; малады чалавек са скрыжаванымі рукамі ў роспачы адварочваецца ад расьпяцьця.
This article uses material from the Wikipedia Беларуская (тарашкевіца) article Польшча – 1863 год, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.