Маскоўская Лінія: лінія Менскага мэтрапалітэну

п а р Маскоўская лінія
Уручча Барысаўскі тракт Усход Маскоўская Парк Чалюскінцаў Акадэмія навук Плошча Якуба Коласа Плошча Перамогі Кастрычніцкая Плошча Леніна Інстытут Культуры ЦЧ-1 «Маскоўскае» Грушаўка Міхалова Пятроўшчына Малінаўка Шчомысьліца

Цяпер лінія доўжыцца 19,9 км і складаецца з 15 станцыяў. Маскоўская лінія ідзе пад праспэктамі Незалежнасьці і Дзяржынскага.

Будаўніцтва першае лініі мэтрапалітэну пачалося ў 1977 годзе. 26 чэрвеня 1984 году кіраўнікі краіны аднымі зь першых апрабавалі новы від транспарту, афіцыйна свае дзьверы першая лінія расчыніла праз 4 дні — 30 чэрвеня.

Першая чарга лініі складалася з васьмі станцыяў: «Інстытут Культуры», «Плошча Леніна», «Кастрычніцкая», «Плошча Перамогі», «Плошча Якуба Коласа», «Акадэмія навук», «Парк Чалюскінцаў» і «Маскоўская».

Пазьней, праз два з паловай гады — 31 сьнежня 1986 году — была здана другая чарга, якая складалася толькі з адной станцыі пасьля «Маскоўскай» — «Усход». Наступны працяг лініі, зноў жа на паўночны ўсход, адбыўся 7 лістапада 2007 году, калі пачалі сваю працу дзьве новыя станцыі: «Барысаўскі тракт» і «Уручча». 7 лістапада 2012 году адкрыты тры станцыі «Грушаўка», «Міхалова» і «Пятроўшчына». 3 чэрвеня 2014 году адкрытая яшчэ адна станцыя ў паўднёва-заходнім кірунку — «Малінаўка».

Першая чарга

3 траўня 1977 году ў Менску пачаліся першыя работы, а 16 чэрвеня забітая першая паля.