Віталь Уткін

20 чэрвеня 1965 г., Гомель) — дзяржаўны дзеяч рэжыму Лукашэнкі ў Беларусі, дэпутат Палаты прадстаўнікоў 7-га скліканьня.

Вікіпэдыя мае артыкулы пра іншых асобаў з прозьвішчам Уткін (неадназначнасьць).

Скончыў Украінскую акадэмію ўнутраных справаў па спэцыяльнасьці «Правазнаўства», пазьней — Акадэмію кіраваньня пры прэзыдэнце Рэспублікі Беларусь па спэцыяльнасьці «міжнароднае права».

Працаваў маляром.

З 1984 па 1986 гг. служыў у савецкіх унутраных войсках, пасьля чаго працаваў у органах МУС СССР.

З 1993 па 2014 гг. працаваў на розных пасадах у Гомельскім аблвыканкаме.

У 2014—2019 гг. быў старшынём адміністрацыі Чыгуначнага раёну Гомля.

У 2019 г. прызначаны ў склад Палаты прадстаўнікоў Нацыянальнага сходу Рэспублікі Беларусь 7-га скліканьня.

Неаднаразова выступаў з абражальнымі заявамі на адрас беларускіх нацыянальных сымбаляў.

У 2020 годзе падчас кампаніі па выбарах прэзыдэнта публікаваў матэрыялы і рабіў заявы з мэтай дыскрэдытацыі праціўнікаў А. Лукашэнкі.

Пасьля гвалтоўнага разгону мірных пратэстаў у жніўні 2020 г., якія суправаджаліся масавымі фактамі гвалту і забойствамі грамадзянаў, Уткін удзельнічаў у публічных мерапрыемствах у падтрымку рэжыму Лукашэнкі і сілавікоў. Памочніца В. Уткіна праяўляла агрэсію да журналістаў незалежных СМІ, якія спрабавалі задаць яму пытаньне.

У лістападзе 2020 г. Уткін абражаў беларускіх спартоўцаў, у тым ліку алімпійскую мэдалістку Аляксандру Герасіменю за крытыку рэжыма А. Лукашэнкі. Распаўсюджваў кансьпіралягічныя тэорыі пра нібыта агрэсіўныя пляны замежных краінаў супраць Беларусі

У студзені 2021 году заявіў, што перанос чампіянату сьвету па хакеі зь Беларусі, зьдзейсьнены ў адказ на масавы гвалт і рэпрэсіі супраць мірных пратэстоўцаў на працягу беларускага палітычнага крызісу 2020—2021 гг., нібыта матываваны помстай кампаній-спонсараў чампіянату за паразу гітлераўскай Нямеччыны ў Другой сусьветнай вайне. Крытыкаваў Сьвятлану Ціханоўскую за скасаваньне чампіянату.

Жанаты, мае трох дзяцей.

• Біяграфія на афіцыйным сайце Палаты прадстаўнікоў НС РБ