Алякса́ндар Сту́пнікаў — беларускі журналіст.
Скончыў факультэт журналістыкі БДУ, пасьля чаго працаваў у розных рэгіёнах Савецкага Зьвязу. У 1985 годзе эміграваў з СССР, жыў у ЗША, Вялікай Брытаніі і Ізраілі, дзе працаваў у расейскамоўных СМІ. У 1990-х гг. вярнуўся ў Беларусь у якасьці шэфа бюро тэлеканала НТВ у Беларусі і Польшчы. У 1997 годзе Ступнікаў быў дэпартаваны з краіны за крытычныя рэпартажы пра рэжым Аляксандра Лукашэнкі. Пасьля 1997 году Ступнікаў некалькі гадоў працаваў карэспандэнтам НТВ на Блізкім Усходзе, у 2004 г. — вярнуўся ў Беларусь.
Аляксандар Ступнікаў — ляўрэат прэміі ПЭН-клюбаў Швэцыі, Расеі і Беларусі ў намінацыі «За грамадзянскую мужнасьць і прафэсіяналізм». Аўтар шэрагу дакумэнтальна-публіцыстычных фільмаў, у тым ліку фільмаў аб габрэйскім партызанскім руху ў Беларусі й іншых краінах Эўропы, а таксама некалькіх паэтычных зборнікаў.
This article uses material from the Wikipedia Беларуская (тарашкевіца) article Аляксандар Ступнікаў, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.