Стрэ́льскі зака́зьнік — рэспубліканскі краявідны заказьнік Беларусі, абвешчаны ў лютым 1999 году на поўдні Гомельскай вобласьці.
Стрэльскі заказьнік | |
Плошча | 12 161 га |
---|---|
Краіна | Беларусь |
Геаграфічныя каардынаты | 51° пн. ш. 29° у. д. / 51° пн. ш. 29° у. д. 29° у. д. / 51° пн. ш. 29° у. д. |
Месцазнаходжаньне | Гомельская вобласьць |
Утварэньне | 23 лютага 1999 (25 гадоў таму) |
Стрэльскі заказьнік |
Месьціцца ў Каленкавіцкім і Мазырскім раёнах. Акаляе пасёлкі Барбароў і Перадавы (Барбароўскі сельсавет) ў Мазырскі раёне. Зьмяшчае ўзгорыста-марэнна-эразійныя краявіды Беларускага Палесься з покрывам водна-ледавіковых супескаў, другасных водна-ледавіковых слаба дрэнаваных раўнінаў, сучаснага поплаву Прыпяці і лагчынаў яе прытокаў. Перапады вышыняў складалі да 40 мэтраў. Прыроднае расьліннае покрыва займала 80 % земляў. Пераважалі хваёвыя лясы. Сустралася шмат дубраваў, а таксама чорнаалешнікі і крапіўныя ясеньнікі. У поплаве Прыпяці мелі пашырэньне злакавыя гідрамэзафітныя і астэпаваныя лугі. Расьлінны сьвет налічваў звыш 500 відаў судзінкавых і больш за 250 відаў ніжэйшых расьлінаў. Сярод іх было 25 занесеных у Чырвоную кнігу відаў расьлінаў, у тым ліку: сапраўдны вэнэрын чаравічак, лясны курасьлеп, баравы воўчнік, германскі дрок, сармацкае кадзіла, сыбірскі касач, чарапіцавы шпажнік і плывучая сальвінія. Жывёльны сьвет налічваў 264 віды. Зь іх у Чырвонай кнізе Беларусі было 20 відаў, у тым ліку: вусач, сьцерлядзь, балотная чарапаха, чаротная рапуха, малая паганка, каршачок, шулёнак, пустальга, кулік-сарока, вялікі ўліт, арэшнікавая і садовая соні, барсук і малая вячэрніца.
У межах заказьніка знаходзілася звыш 10 азёраў: Бергут, Броўнае, Бяркатава, Грабяні, Грыбное, Доўгае, Заліў, Калочча, Ліцьвін, Трасьцянае і Трасьцяніца.
Гэта — накід артыкула пра Беларусь. Вы можаце дапамагчы Вікіпэдыі, пашырыўшы яго. |
This article uses material from the Wikipedia Беларуская (тарашкевіца) article Стрэльскі заказьнік, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.