Стары Ольса: беларускі музычны гурт сярэднявечнай музыкі

Заснаваны ў 1999 годзе Зьмітром Сасноўскім. Назва паходзіць ад ракі ў заходняй Магілёўшчыне.

Стары Ольса
Выступ «Старога Ольсы» на фэстывалі «Be Free-2008», Львоў
Інфармацыя
Гады	1999 — нашы дні
Адкуль	Беларусь
Мова	беларуская
Жанр(ы)	музыка Сярэднявечча, беларуская музыка
Удзельнікі	Зьміцер Сасноўскі Ільля Кубліцкі Алесь Чумакоў Марыя Шарый Сяргей Тапчэўскі Аляксей Войцех
Былыя ўдзельнікі	Кацярына Радзівілава
http://staryolsa.com

Альбомы

• Келіх кола (2000) — першыя запісы музыкі раньняга і сталага сярэднявечча.
• Вір (2001) — зборка, на дыску прысутнічаюць таксама і запісы Алеся Журы, Зьмітра Сідаровіча, гурта Кантраданс (цяпер — Lituus).
• Verbum (2002) — (на лаціне: слова) акрамя музыкі запісаныя ўрыўкі з старажытнай беларускай літаратуры.
• Шлях (2003) — канцэртны альбом, запісаны падчас выступаў 2002—2003.
• Ладзьдзя Роспачы (2004) — аўдыёспэктакаль паводле аповесьці Ўладзімера Караткевіча, мастацкае начытваньне тэксту пад старадаўнюю музыку.
• Скарбы літвінаў (2004) — альбом, складаецца з двух дыскаў: Рэнэсанс і Сярэднявечча.
• Сярэднявечная дыскатэка (2005) — клюбная праграма, якая ўключае апрацаваныя танцы нашых продкаў (13—16 стагодзьзяў).
• Гераічны эпас (2006) — альбом складзены з прасьпяванай рыцарскай паэзіі і гераічных песень 14—18 стагодзьдзяў.
• Дрыгула (2009) — альбом складзены з танцавальнае музыкі ад позьняга сярэднявечча да раньняга барока, запісаная ў Вялікім Княстве Літоўскім (складанка «Полацкі сшытак») і краінах Заходняй Эўропы
• Лепшае (2009) — афіцыйная зборка найлепшых кампазыцыяў з папярэдніх альбомаў; зьмяшчае ў сабе і ўнікальныя запісы: апрацаваныя ды-джэем творы («Дрыгула», «У карчме»), а таксама кампазыцыі, перазапісаныя гуртом адмыслова для відэакліпаў («Літвін», «Шлях»).
• Santa Maria (2013) — альбом, у які ўвайшлі 2 песьні з эўрапейскіх крыніцаў XIII і XIV стст. Танцавальная музыка ВКЛ («Полацкі сшытак», «Віленскі сшытак», творы Войцэха Длугарая і Дыямеда Катона).
• Medieval Classic Rock (2016) — альбом складзены з кавэр-вэрсій славутых рок-гітоў у сярэднявечнай стылістыцы.
• Вада, хмель і солад (2017)

Кліпы

• «Шлях» (2009)
• «VITAUT» (2008)
• «DRYHULA remix» (2008)
• «У карчме (remix)» (2008)
• «Літвін» (2008)

Кліп на песьню «Літвін», якая прысьвечана чатыром самым вялікім бітвам, у якіх перамагалі ліцьвіны (беларусы).
Рэжысэры: З. Сасноўскі («Стары Ольса»), Ф. Міхееў (рыцарскі клюб «Княжы гуф»), Л. Сьнегірова (студыя «ОКО», Менск), І. Таркан (студыя «Дуэт», Менск).
Мантаж — З. Сасноўскі.
Асноўныя ўдзельнікі — рыцары клюбу «Княжы гуф».
Кампутарная анімацыя — студыя VS, г. Лімэрык, Ірляндыя.

• «У карчме» (2004) — беларускі пераклад сярэднявечнай застольнай песьні In taberna.

Супольныя праекты

• Легенды Вялікага Княства (2001)
• Легенды Вялікага Княства - 2 (2004)
• Генералы айчыннага року (2004)
• Прэм’ер Тузін 2005 (2005)
• Музыка Вялікага Княства Літоўскага (2007) — неафіцыйная зборка, выдадзеная ў сэрыі «Беларуская музычная калекцыя»
• Полацкі сшытак (2012) — зборка: Полацкі сшытак ў лепшых інтэрпрэтацыях

• Зьміцер Сасноўскі: дуды (валынкі), ліра, гусьлі, мандаліна, варган, пэркусія, вакал
• Ільля Кубліцкі: лютня, цыстра, варган
• Алесь Чумакоў: гусьлі, кантэле, рэбэк, шалмей, цыстра, ліра, мандаліна, пэркусія, вакал
• Сяргей Тапчэўскі: ударныя, вакал
• Марыя Шарый: флейта, шалмей, сьвірэль
• Аляксей Войцех: ударныя

Былыя ўдзельнікі

• Аксана Касьцян: флейта, шалмей, сьвірэль (да 2008 году)
• Кацярына Радзівілава: блёк-флейта, флейта, шалмей, сьвірэль, гусьлі, акарына (да 2005 году)
• Андрэй Апановіч: ударныя, варган, дуда (валынка), вакал

Назва гурту паходзіць ад назвы прытоку Бярэзіны — ракі Ольсы.

Выступалі ў Празе разам з гуртом Ahmed má hlad.

• Д.П. «СТАРЫ ОЛЬСА» // Энцыклапедыя беларускай папулярнай музыкі / уклад. Дз. Падбярэзскі і інш. — Мінск: Зміцер Колас, 2008. — С. 283–284. — 368 с. — 2000 ас. — ISBN 978-985-6783-42-8

• Афіцыйная хатняя старонка
• Неафіцыйная старонка
• Фота з канцэрту ў Менску (палац культуры ветэранаў, 7 кастрычніка 2011) ад музычнага парталу BelMetal
• Водгук да канцэрту ў Менску (палац культуры ветэранаў, 7 кастрычніка 2011) ад музычнага парталу BelMetal(недаступная спасылка)
• «Стары Ольса» прэзентаваў альбом «сярэднявечнага класічнага року»