Палятуха звычайная (Pteromys volans) — грызун зь сямейства палятухавых.
Палятуха звычайная | |
Клясыфікацыя | |
---|---|
Царства | Жывёлы |
Тып | Хордавыя |
Падтып | Хрыбетныя |
Кляса | Сысуны |
Інфракляса | Пляцэнтарныя |
Атрад | Грызуны |
Сямейства | Вавёркавыя |
Род | Палятуха |
Від | Палятуха звычайная |
Бінамінальная намэнклятура | |
Pteromys volans | |
Зьнешне палятуха падобна да вавёркі, але амаль у 2 разы меншая. Даўжыня цела 14—17 см, маса 100—120 г. Галава невялікая з кароткімі вушамі, якія ў адрозьненьне ад вавёркі пазбаўленыя кутасікаў. Вочы вялікія, пукатыя, чорныя. Хвост пушысты. Пярэднія чатырохпальцыя канечнасьці крыху карацейшыя за пяціпальцыя заднія. Кіпцюры кароткія загнутыя, вельмі ўчэпістыя. Па баках цела паміж заднімі і пярэднімі канечнасьцямі знаходзіцца пакрытая поўсьцю скураная складка, пры дапамозе якой зьвярок плянуе з дрэва на дрэва. Футра густое, мяккае, шаўкавістае; зімой зьверху серабрыста-шэрае, зрэдку зь цёмнай рабізной, летам — буравата-попельна-шэрае.
Від уключаны ў Чырвоную кнігу Беларусі (ІІІ катэгорыя аховы), Чырвоны сьпіс МСАП (LR/nt, ver. 2.3, 1994).
Гэты від занесены ў Чырвоную кнігу Рэспублікі Беларусь і ахоўваецца законам. |
This article uses material from the Wikipedia Беларуская (тарашкевіца) article Палятуха звычайная, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.