Паддубовік Чырвананожкавы

Распаўсюджаны ў Эўропе.

Паддубовік чырвананожкавы
Паддубовік чырвананожкавы
Клясыфікацыя
Надцарства	Вышэйшыя грыбы
Царства	Грыбы
Падцарства	Базідыяміцэты
Пададдзел	Agaricomycotina
Кляса	Агарыкаміцэты
Падкляса	Agaricomycetidae
Атрад	Балетавыя
Сямейства	Балетавыя
Род	Баравікі
Бінамінальная намэнклятура
Boletus erythropus
Паддубовік чырвананожкавы на Віківідах  Паддубовік чырвананожкавы ў Вікісховішчы NCBI 121023

 

Дыямэтар шапачкі складае 5—20 см, шапачка мае паўшаравідную, падушкаападобную форму, навобмацак аксаміцістая, матавая, зрэдку сьлізьневая, з узростам можа рабіцца голай. Колер — каштанава-карычневы, цёмна-буры, цёмна-карычневы, чорна-буры, з магчымым аліўкавым або чырванаватым адценьнем.

Мякіш жаўтаваты ці ярка-жоўты, на зломе хутка сінее або прымае зеленавата-сіні колер, у ножцы — чырванаватая або бураватая, бяз смаку і водару.

Ножка 5—15 см вышынёй і 1,5—4 см таўшчынёй, цыліндрычная або клубнепадобная, бочкападобная, пазьней звычайна патоўшчаная зьнізу. Колер жоўта-чырвоны, з чырвонымі лускавінкамі ці кропкамі.

Споравы парашок буравата-аліўкавы, споры вераценападобныя, гладкія, 15 × 5 мкм.

Распаўсюджаны ў Эўропе, на Каўказе, ва Ўсходняй Сыбіры, радзей — у Заходняй Сыбіры і на поўдні Далёкага Ўсходу.

Утварае мікарызу зь ліставымі і хвайвымі дрэвамі (бук, дуб, яліна, ельніца), аддае перавагу кіслым глебам, сустракаецца ў лясох і ў багністай мясцовасьці, сярод імху.

Умоўна-ядомы грыб, прыдатны ў ежу пасьля варэньня (15 хвілінаў, вада зьліваецца), таксама для сушэньня.

• Паддубовік-сіняк

• Гарибова Л. В., Сидорова И. И. Грибы. Энциклопедия природы России. — М.: ABF, 1997.

  Паддубовік чырвананожкавы — сховішча мультымэдыйных матэрыялаў