Міжнародныя Сілы Садзейнічаньня Бясьпецы
Міжнаро́дныя сі́лы садзе́йнічаньня бясьпе́цы (МССБ) — міжнародная місія бясьпекі ў Аўганістане пад кіраўніцтвам АПАД, створаная ў сьнежні 2001 згодна з Рэзалюцыяй 1386 Рады бясьпекі ААН, як гэта прадугледжвае Бонскае пагадненьне.
| Міжнародныя сілы садзейнічаньня бясьпецы | |
| анг. International Security Assistance Force, ISAF | |
 Official emblem of the International Security Assistance Force. | |
| Гады існаваньня | 2001 — цяпер |
|---|---|
| Краіны | АПАД, Рада эўраатлянтычнай супрацы і інш. |
| Падпарадкаваньне | Камандаваньне аб’яднанымі войскамі хаўрусьнікаў, Брунсюм, Нідэрлянды |
| Дысьлякацыя | Кабул, Аўганістан |
| Мянушкі | Сілы кааліцыі, МССБ |
| Дэвіз | пушту: کمک او همکاری («Дапамога і супраца») |
| Войны | Вайна ў Аўганістане (з 2001) |
| Дзейны камандзір | Джон Р. Ален |
Часам іх называлі Сіламі кааліцыі. Галоўная задача МССБ — падрыхтоўка Аўганскіх сілаў нацыянальнай бясьпекі (АСНБ) і аказаньне дапамогі Аўганістану ў перабудове ключавых дзяржаўных інстытуцыяў. Акрамя таго, МССБ удзельнічае ў вайне з паўстанцкімі групоўкамі.
Першапачаткова МССБ прызначаліся для абароны Кабулу і ваколіцаў ад Талібану, Аль-Каіды і фракцыйных вайскаводаў, а таксама для прадастаўленьня магчымасьці стварэньня Аўганскае пераходнае адміністрацыі, ачоленай Хамідам Карзаем. У кастрычніка 2003 Рада бясьпекі ААН ухваліла пашырэньне місіі МССБ на ўвесь Аўганістан. З 2006 МССБ удзельнічалі ў інтэнсыўных баявых апэрацыях у паўднёвым і ўсходнім Аўганістане.
У склад корпусу ўваходзяць жаўнеры амэрыканскіх, брытанскіх узброеных сілаў, краінаў-чальцоў АПАД і некалькіх іншых дзяржаваў.
Крыніцы і заўвагі
This article uses material from the Wikipedia Беларуская (тарашкевіца) article Міжнародныя сілы садзейнічаньня бясьпецы, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.