«Конадзень Сьвятой Агнэсы» (па-ангельску: The Eve of St.
Agnes) — паэма Джона Кітса, напісаная ў 1819 і апублікаваная ў 1820 гадах, якая лічыцца адной з найвыдатнейшых яго паэмаў і аказала ўплыў на літаратуру XIX стагодзьдзя.
Назва паэмы ўзыходзіць да дня (або вечару) перад сьвятам сьв. Агнэсы, якая, будучы заступніцай цнатлівіцаў, загінула пакутніцкай сьмерцю ў IV ст. у Рыме. Конадзень прыпадае на 20 студзеня; дзень сьвята — на 21-га.
У аснову паэмы Кітс паклаў сьвяточную прымху, згодна зь якой дзяўчына, якая зьдзейсьніць адмысловы абрад на конадні сьв. Агнэсы, можа ўбачыць свайго будучага мужа ў сьне; то бок яна павінна легчы ў ложак не павячэраўшы, цалкам распрануцца, ляжаць з рукамі, засунутымі пад падушку, гледзячы ўверх і не абварочваючыся. Затым меркаваны муж мусіць зьявіцца ў сьне, пацалаваць яе і разам зь ёй сьвяткаваць.
У шатляндзкім варыянце абраду прымалі ўдзел маладыя жанчыны, якія зьбіраліся ў конадзень сьв. Агнэсы апоўначы. Адна за адной яны ішлі на аддаленае поле і сыпалі зерне, пасьля чаго яны паўтаралі наступныя рыфмаваныя пацеры сьв. Агнэсе:
«Agnes sweet, and Agnes fair, Hither, hither, now repair; Bonny Agnes, let me see The lad who is to marry me.»
У арыгінальнай рэдакцыі паэмы, Кітс акцэнтаваў на сэксуальнасьці абодвух каханых, але ягоныя выдаўцы, якія сьцерагліся публічнае рэакцыі, прымусілі яго зьнізіць тон эратызму.
Ангельская Вікікрыніца зьмяшчае арыгінальныя матэрыялы, датычныя тэмы гэтага артыкула: |
This article uses material from the Wikipedia Беларуская (тарашкевіца) article Конадзень сьвятой Агнэсы, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.