Дамэннае Імя
Дамэ́ннае імя́ — галіна герархічнай прасторы дамэнных імёнаў сеткі Інтэрнэт, якая пазначаецца ўнікальным дамэнным імём.
Дамэннае імя — сымбальнае імя дамэну. Павінна быць унікальным у межах аднаго дамэну. Поўнае імя дамэну складаецца з імёнаў усіх дамэнаў, у якія ён уваходзіць, адасобленых кропкамі. Напрыклад, поўнае імя be-tarask.wikipedia.org. (з кропкай у канцы) вызначае дамэн трэцяга ўзроўню be-tarask, які ўваходзіць у дамэн другога ўзроўню wikipedia, які ўваходзіць у дамэн org, які ўваходзіць у каранёвы дамэн (абазначаецца кропкай). Дамэннае імя служыць для адрасацыі вузлоў сеткі Інтэрнэт і разьмешчаных на ім сеткавых рэсурсаў (вэб-сайтаў, сэрвэраў электроннай пошты, сеткавых сэрвісаў) у зручнай для чалавека форме. Альтэрнатывай можа быць адрасацыя вузла па IP-адрасе, што менш зручна ды й цяжэй запамінаецца.
Дамэнная зона — сукупнасьць дамэнных імёнаў вызначанага ўроўню, якія ўваходзяць у канкрэтны дамэн. Напрыклад, зона wikipedia.org. вызначае ўсе дамэнныя імёны трэцяга ўзроўню ў гэтым дамэне. Паняцьце «дамэнная зона» ў асноўным ужываецца стасоўна тэхнічнай сфэры, пры наладжваньні DNS-сэрвэраў.
Глядзіце таксама
- DNS — сыстэма дамэнных імёнаў
- UDRP — адзіная палітыка разьвязаньня дамэнных спрэчак
- Сугучныя дамэны
Вонкавыя спасылкі
This article uses material from the Wikipedia Беларуская (тарашкевіца) article Дамэннае імя, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.