Кітаўрус (Кітаўрас, Гіпацэнтаўр) — герб, які ўжывалі многія шляхецкія роды ў Польшчы ды ВКЛ, у прыватнасьці Гальшанскія і Гедройцы (ўласную адмену).
Паводле легенды пра Палямона, гэты герб быў прынесены да Літвы рымлянамі і належаў нашчадкам Даўспрунга, якія пэўны час мелі вярхоўную ўладу ў Літве (сярод іх хронікі называюць, у прыватнасьці, Швінтарога і Трайдзена). Ужываньне гербу, як мяркуюць некаторыя дасьледчыкі, сапраўды магло паказваць на паходжаньне ад ранейшай літоўскай дынастыі.
Герб уяўляў сабою чалавекаканя, замест хваста ў якога — зьмяя, у якую ляціць страла, выпушчаная з рук самой жа жывелы.
Жыгімонт Стары даў герб з кітаўрусам польскаму мястэчку Лютомерск (цяпер ужываецца як герб гміны). У нядаўні час выява гіпацэнтаўра была зьмешчаная ў гербах двух беларускіх мястэчак, што некалі належалі Гальшанскім — Гальшанаў і Старых Дарогаў, а таксама ў гербе летувіскага мястэчка Сесікай.
This article uses material from the Wikipedia Беларуская (тарашкевіца) article Кітаўрус (герб), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.