Беларуская Гімназія Імя Янкі Купалы
Белару́ская гімна́зія імя́ Я́нкі Купа́лы — беларуская гімназія ў Нямеччыне, існавала ў 1945—1950 гг.
Заснаваная ў лягеры для перамешчаных асобаў у горадзе Рэгенсбург з мэтай падрыхтоўкі беларускае моладзі для паступленьня ў ВНУ. У 1946/47—1947/48 гг. навучальных гг. працавала ў горадзе Міхэльсдорф, у 1948/49 гг. у горадзе Віндышбэргэрдорф, у 1949/50 гг. у горадзе Розэнгайм. Дзейнічала ў сыстэме нямецкае школьнае асьветы й мела аднолькавыя правы зь нямецкімі школамі падобнага тыпу. Гімназія была 8-клясная, выкладаліся агульнаадукацыйныя прадметы, рэлігія, беларуская, ангельская, нямецкая й лацінская мовы, элемэнты філязофіі. 28 чэрвеня 1947 г. гімназіі прысвоенае імя Янкі Купалы. 28 студзеня 1948 г. пэдагагічны й вучнёўскі калектыў падзеленыя на 2 школы, якія захавалі імя Я. Купалы. Пры гімназіі існавала вучнёўская бурса, дзе жылі дзеці без бацькоў, дзейнічала скаўцкая арганізацыя, працавалі літаратурны (выдаваў часапіс «У выраі»), драматычны, спартовы гурткі. Адбылося 5 выпускаў, пасьведчаньні атрымалі 44 чалавекі. У розны час гімназію ўзначальвалі Аляксандар Орса, Мечыслаў Рагажэцкі, Алесь Вініцкі.
Глядзіце таксама
Літаратура
Беларуская энцыклапедыя: У 18 т. / Рэдкал.: Г. П. Пашкоў і інш. — Мн.: БелЭн, 1996. — Т. 2: Аршыца — Беларусцы. — 480 с. — ISBN 985-11-0061-7 С. 408—409
Вонкавыя спасылкі
- Ян Максімюк Беларуская Гімназія імя Янкі Купалы ў Заходняй Нямеччыне (1945-1950). — Нью Ёрк-Беласток: Беларускі Інстытут Навукі й Мастацтва, 1994. — ISBN 83-902162-0-5
This article uses material from the Wikipedia Беларуская (тарашкевіца) article Беларуская гімназія імя Янкі Купалы, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.