Беларускае Аб’яднаньне Ў Вікторыі
Беларускае аб’яднаньне ў Вікторыі — аддзел Беларускага аб’яднаньня ў Аўстраліі.
Створана ў траўні 1950 году ў Мэльбурне (Вікторыя) на сходзе беларусаў, удзельнікаў Беларускага клюбу.
Дзейнасьць
Наладжваньне нацыянальных мерапрыемстваў, папулярызацыя беларускай культуры сярод аўстралійцаў і прадстаўнікоў іншых нацыянальнасьцяў. Аб’яднаньне ў супрацоўніцтве зь Беларускім аб’яднаньнем у Аўстраліі (Сыдней) выдавала Інфармацыйны бюлетэнь Беларускага аб’яднаньня ў Аўстраліі «Новае Жыцьцё» (у 1952—1956(?) гг. выходзіў у Мэльбурне).
Пры Аб’яднаньні быў створаны Жаночы камітэт, а таксама ў супрацоўніцтве з арганізацыямі прыхільнікаў Рады БНР — беларуская школа і Камітэт набыцьця Беларускага дому.
Беларускае аб’яднаньне ў Вікторыі спыніла сваё існаваньне ў сувязі з стварэньнем у 1963 г. агульнай арганізацыі беларусаў у Мэльбурне Беларускага цэнтральнага камітэту ў Вікторыі.
Старшыні
- Янка Кудрук (1950 — ?)
Сябры ўправы
Павал Гуз, Адам Жураўлевіч, Сяргей Розмысл, Уладзімер Сідлярэвіч і іншыя.
Літаратура
- Гардзіенка, Н. Беларусы ў Аўстраліі: да гісторыі дыяспары / Натальля Гардзіенка; Прадмова І. Сурвіллы. — Мн.: Беларускі кнігазбор, 2004. — 468 с., [4] арк. — (Бібліятэка Бацькаўшчыны, Кніга 3). — С. 445 — 446. — ISBN 985-6730-79-1.
This article uses material from the Wikipedia Беларуская (тарашкевіца) article Беларускае аб’яднаньне ў Вікторыі, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.